Morfina taldea - Euskara
Morfina taldea - Euskara
Morfina taldea - Euskara
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
214<br />
Doktore-tesia<br />
Eztabaida<br />
Lan honetarako aukeratutako peptidasen zelula-barneko aktibitateak ezagutzeko<br />
aspaldi deskribatutako banaketa zelularraren teknika erabili dugu. Teknika honen bitartez<br />
lortutako zatiki azpizelularrak sinaptosomak, mielina, mitokondriak, mikrosomak, nukleoa<br />
eta zitosola izan dira. Euren artean aipagarria da sinaptosoma bezala ezagututako egituren<br />
lorpena. Hauek neuronen bukaera sinaptikoz sortutako egiturak dira. Bixikula hauen<br />
edukinaren zati handi bat zitosolikoa da –zitosol edukin guztiarengandik bananduta<br />
geratzen dena –, bertan aurkitutako LDH aktibitate altuak adierazten duten bezala (Gray<br />
eta Whitaker, 1962).<br />
Tesi honetan teknika horren bitartez lortutako zatiki azpizelularren purotasun<br />
frogak egin ziren. Gure datuak Gray eta Whitakerrek sinaptosoma mailan<br />
deskribatutakoarekin bat datoz. Bai gizakia zein arratoi kortex laginekin egindako banaketa<br />
azpizelularraren ondorioz lortutako zatiki sinaptosomalean eta zitosolean LDH maila altuak<br />
daude; beste zatikiekin konparatuz, bikoitza baino gehiago.<br />
Bestalde, sinapsietatik eratorriko egitura hauek morfologikoki zein funtzionalki<br />
nahiko egonkorrak direla dakigu. 70. hamarkadaren bukaeran egindako ikerlan batean,<br />
gizaki eta arratoi garun kortex laginak hozkailuan biltegiratu ondoren, lagin freskoekin<br />
konparatuz antzeko propietateak mantentzen dituztela ikusi zen. Propietate hauen artean,<br />
kaltzio-bitarteko kinadak erabiliz sinaptosometatik neuropeptidoen askapena eragin<br />
zitekeela aipatu zuten Dodd eta lankideek (1979).<br />
Ildo honekin jarraituz, peptidasa aktibitateen gain hil ondorengo atzerapenak<br />
(postmortem delay) edo laginen izozte denborak eraginik duenentz jakiteko korrelazio ikerketa<br />
egin da tesi honetan. PSA solugarria eta arginil aminopeptidasa (APB-a) adibide bezala<br />
hartuz, ez zen erlazio esanguratsurik ikusi baldintza fisiko hoiek eta aktibitate peptidasikoen<br />
artean.<br />
Era berean, beste zatikien isolamenduari dagokionez, hau egokia izan zela<br />
adierazten diguten emaitzak jaso genituen (emaitzen atalean 12. taulan adierazitakoak).
Change language