Morfina taldea - Euskara

Metodoak
2.1. Tratamenduak:
2. Metodoak
2.1.1. Morfinarekin egindako tratamendua:
Heroinarekiko menpekotasuna duten gizakiekin eginiko ikerketa osatzeko
helburuarekin, animalia ereduetan morfinak peptidasen gain zein eragin izan zezakeen
ikustea proposatu genuen.
Morfinarekin egindako 5 eguneko tratamendu kronikoa Busquets eta lankideen (1995)
protokoloa jarraituz egin zen. Arratoiak opiazeo honekin egunean 3 bider ziztatuak
(peritoneo-barnetikoa) izan ziren dosiak honela handituz zihoazelarik:
1. eguna: 10, 10 eta 10 mg/kg.
2. eguna: 10, 10 eta 20 mg/kg.
3. eguna: 20, 20 eta 40 mg/kg.
4. eguna: 40, 40 eta 80 mg/kg.
5. eguna: 80, 80 eta 100 mg/kg.
Protokolo hau jarraituz morfinarekiko menpekotasuna zeukaten arratoiak lortu ziren.
Taldearen erdia, morfina taldea, morfina maila altuak odolean zeuzkatela, hurrengo eguneko
goizean sakrifikatu ziren. Besteari, abstinentzia taldeari, naloxona antagonista opioidea eman
zitzaion (5 mg/kg p.b) eta abstinentzia sindromea agertu zela baloratu ondoren
sakrifikatuak izan ziren.
Era berean talde bakoitzak bere kontrol taldea izan zuen. 5 egunetan zehar ordutegi
berbera jarraituz suero fisiologikoa ziztatu zitzaien (p.b) eta 6. egunean morfina taldearen
kontrolak zuzenean sakrifikatuak izan ziren einean abstinentzia taldearen kontrolak
naloxona hartu eta gero hil ziren.
69
Doktore-tesia