Morfina taldea - Euskara

Metodoak
Sobrenadantea aurreko etapakoarekin nahasten zen eta ultrazentrifugako hodietan jarri
ondoren 120 minututan zehar 100.000 g-tan zentrifugatuz gero zatiki mikrosomala
(hauspeakina) eta zatiki zitosolikoa (sobrenadantea) lortzen zen. Orokorrean zatiki
mikrosomala erretikulu endoplasmiko mota biak eta Golgi aparatuaren zatikiz eraturiko
materiale hetereogeneoa dela esan dezakegu.
Zatiki sinaptosomal gordina 0.5 ml sakarosa soluzioan eseki eta 1.5ml ficoll %19
gehitzen zitzaion (sakarosa soluzioarekin nahastean %14-era gutxitzen zen). 2 ml hoietatik
0.5 ml bota eta beste 1.5ml-ak ultrazentrifugako hodira eramaten ziren, bertan dentsitatezko
gradiente ez jarrai bat sortzeko. Horretarako 1.5 ml hoien gainean 1ml ficoll (%7.5-ean) ezarri
eta honen gainean 0.5 ml sakarosa soluzio jartzen ziren, guztia 120 min-tan zehar eta
100.000 g-tan zentrifugatuz. Sakarosa – ficoll %7.5 tartean zegoen materiala zatiki
mielinikoari zegokion; ficoll %14 eta %7.5 interfasean agertutakoa zatiki
sinaptosomalari eta hauspeatutakoa zatiki mitokondrialari.
Purutasun handiagoa lortzeko zatiki sinaptosomala eta mielinikoak banandu ondoren,
bakoitza 2ml sakarosa disoluzioan berreseki 60min eta 100.000 g-ko zentrifugazioa egiten
zen, azkenean zatiki hauek haupeatzen zirelarik.
Azaldutako prozesua eskematikoki ikus daiteke 1. irudian.
73
Doktore-tesia