Morfina taldea - Euskara

Eztabaida
Gure esperimentuetan jasotako emaitza gehienetan ez dugu peptidasen aktibitatean
aldaketa esangarririk aurkitu ezta gizakia ezta arratoiaren garunean. Hala ere, gizakiaren
garunean PEP-aren aldaketak azaldu dira eta arratoiaren garun kortexean PEP eta APBaren
aktibitate aldaketaren bat aurkitu dugu.
I. Lehenengoaren kasuan gizakian eta arratoiaren garunean azaldutako emaitzak
pixkat paradoxikoak iruditu zaizkigu. Gizakiek tolerantzia egoeran daudela PEP-aren
aktibitate txikiagoa azaltzen baitute eta emaitza berdina abstinentziadun arratoien garun
kortexean (parietala) agertu baita. Emaitza hauen kokapena opiazeoek eragindako
prozesuetan ez dirudi errezegia, egoera patologiko honetan entzima honi buruzko ikerlanik
ia ez baitago. PEP-ak TRH-aren eta beste peptido batzuen anderakuntza eragiten duela
ezarrita dago (Welches eta lank., 1993). TRH-ak opiazeoekiko abstinentzia sindromearen
modulazio funtzioren bat izan lezakeen ikerlan ugari agertu dira, egoera honetan bere
sintesia igo egiten dela deskribatu baita (Ghan eta Sevarino, 1996; Legradi eta lank., 1996;
Nillni eta lank., 2002). Gure esperimentuetan ikusitakoa PEP-aren aktibitate aldaketak
erregulazio bide honetan kokatuta egon litezke.
II. APB-ari dagokionez, tolerantzia egoeran ez da inolako aldaketarik azaldu, baina
abstinentziadun arratoietan garun kortexean aktibitate txikiagoak aurkitu ditugu. Zelula
barneko aktibitate altua duen entzima honek proentzefalina, prokolezistokinina e.a.
propeptido edo aitzindariren prozesamenduan eraginen bat izan lezakeela proposatu da
(Yasothornsrikul eta lank., 1998; Foulon eta lank., 1999). Zentzu honetan, posible litzateke
APB-ak erregulazioren bat jasatea abstinentzia egoeran gertatutako fenomenoen barnean.
III. Beste peptidasei dagokionez (LAP, APA eta PG I), morfinaren efektupean
hauen substratua diren neuropeptido batzuen erregulazioak gertatzen direla ezaguna den
arren (Lorenzo eta lank., 1999), gure esperimentuetan ez dugu emaitza azpimarragarririk
ikusi.
235
Doktore-tesia