Morfina taldea - Euskara

20
Doktore-Tesia
Sarrera
Aminopeptidasak peptido ezberdinen N-muturreko aminoazidoen lotura
peptidikoa hidrolisatzen dute. Egitura kimikoa argi egon ez arren gehienak talde prostetiko
bezala Zn 2+ -a daramaten metaloproteinak (Vallee eta Galdes, 1984) edo tiol proteinak
(O’Cuinn eta lank., 1990) direla dakigu. Peptidasa hauen tamaina oso aldakorra da, 25-300
kDa tartekoa (Taylor, 1993).
Orain arte eginiko ikerketa ezberdinek neuropeptido bakoitzarekiko espezifikoak
diren peptidasarik ez dagoela diote. Dirudienez, probableagoa da espektru zabaleko
peptidasa gutxi batzuk neuropeptido askoren anderakuntzaren arduradunak izatea. Hala
ere, oraindik beharrezkoak dira ikerketa gehiago ikuspuntu hau ziurtatzeko.
Sustratuekiko espezifizitate gutxi dutenez eta orokorrean ikertutako izaki bizidun
eta ehun mota gehienetan aminopeptidasa aktibitatea ikus daitekenez entzima hauen
sailkapen zehatza egitea ez da erraza (Taylor, 1993).
Gaur egun peptidasen sailkapena egiteko Enzyme Commission (EC) delakoaren
irizpideak dira onartuenak. Jarraian azaldutako taulan tesi honetarako aztertu diren
peptidasa ezberdinen EC sailkapena azaltzen da: