Morfina taldea - Euskara

26
Doktore-Tesia
Sarrera
Beste peptido ezagunen artean APN-ak angiotensina III-a inaktibatu dezakeela ikusi
da (Reaux eta lank., 1999).
Beraz, tesi honen helburuetariko baterantz bideratuz, barne peptidoen
anderakuntzan benetako eragina duten aminopeptidasa bi ezagutzen dira:
Puromizinarekiko Sentikorra den Aminopeptidasa (PSA): Isoforma bi
ditu: Alanina aminopeptidasa solugarria eta AP MII (EC 3.4.11.14).
Alanina aminopeptidasa N: puromizinarekiko ez-sentikorra. (APN, APM
edo EC 3.4.11.2).
2.2.2 Beste neuropeptido ezberdinen anderakuntzan eragiten
duten peptidasak:
2.2.2.1. Prolil endopeptidasa (EC 3.4.21.26):
Prolina biologikoki aktiboak diren peptido askoren aminoazido sekuentzian
kokatzen da, hauen egitura molekularrean eta peptidasa ezberdinekiko erresistentzian
garrantzitsua delarik (Turner AJ, 1986). Lehenengoz 1971an deskribatutako prolil
endopeptidasak (PEP), askorentzako prolil oligopeptidasa, peptido hauek prolina
aminoazidoaren karboxil muturretik hidrolisatzen ditu (Walter eta lank., 1971).
Entzima hau gizaki edo arratoiaren garunaz gain (Kato eta lank., 1980; Wilk S,
1983; Kalwant eta lank., 1991) beste ehun eta organu ezberdinetan maila altuetan
deskribatu da (giltzurruna, testikuluak, gihar eskeletikoa, linfozitoak, fibroblastoak, e.a.)
(Kato eta lank., 1980; Goossens eta lank., 1996).
Hasiera baten bakarrik zitosolean aurkitzen den entzima dela pentsatu izan bada ere
(Dresdner eta lank., 1982) gaur egun mintzari lotutako isoforma bat dagoela dakigu,