Morfina taldea - Euskara

Emaitzak
2. Gizaki eta arratoiaren NSZ-ko peptidasa ezberdinen
banaketa erregionala.
Hurrengo 11 tauletan eta dagozkien grafikatan gizaki eta arratoi tratatugabeen NSZ-ko
atal ezberdinetako aktibitate peptidasikoak azaltzen dira. Aukeratutako garun guneak 7 izan
ziren, amigdala (A), hipotalamoa (Ht), hipokanpoa (Hc), kaudatua (K), kortex prefrontala
(PF), okzipitala (O) eta parietala (P) hain zuzen.
Aktibitateen baloreak mg proteinako peptidasa aktibitate unitateetan eman dira
(PAU/mg proteina), batazbestekoak eta estandart erroreak (S.E) azaltzen direlarik.
Taula eta grafiketan adierazten diren konparaketak gizakia eta arratoiaren arteko
aktibitate peptidasikoena da. Konparaketa horretarako parekatu gabeko T Student-a erabili
dugu tresna estatistiko bezala. Lortutako probabilitateak honela adierazi dira: P< 0.05 (*),
P< 0.01 (**) edo P< 0.005 (***) datu esangarrientzako, eta (e.e.) batekin ez esangarriak
zirenean.
Banaketa erregionalean aldakuntza esangarriak gertatu diren kasuetan (guneetako
aktibitateak ANOVA bitartez konparatuz), hauek tauletan adierazten dira. Banaketa
homogeneoa edo berezitasun esangarririk egon ez den kasuetan ez da ezer adierazi tauletan.
Datuen irakurketa errazteko, lehenengo atal batean zatiki solugarriko peptidasen
aktibitateak azaltzen dira eta bigarren atalean mintzari lotutako entzimen aktibitateak.
2.1. Peptidasa solugarriak:
2.1 Taulan eta 2.1 grafikan PSA solugarriak (EC 3.4.11.14) NSZ-ko atal ezberdinetan
emandako baloreak azaltzen dira. Aktibitatea bai gizakian eta bai arratoiaren garuneko atal
guztietan ikusi den arren, gizakiaren kasuan kortexean agertutako baloreak beste
guneetakoa baino txikiagoak izan dira (ANOVA: P < 0.05).
Alderantziz, aktibitate espezifikoa gizakiaren kasuan arratoiarena baino handiagoa dela
atal guztietan ikusi dugu; hipotalamoaren kasuan adibidez, ia %46 handiagoa.
111
Doktore-tesia