Morfina taldea - Euskara

Helburuak
entzefalinergikoak edota dinorfina azaltzen dutenak (Koob eta Nestler, 1997; Nestler,
2001).
Tolerantzia eta abstinentzia, opiazeoen kontsumo errepikatuak eragindako
neuroegokitzearen ondorioz gertatzen dira. Maila zelularrean ezarritako oreka patologiko
honen lokarrietariko bat hartzaile osteko fenomenoak dira eta bertan proteina ezberdinen
metabolismoaren aldaketa ugari deskribatu dira (Nestler eta Aghajanian, 1997). Hauen
artean, barne peptido opioideen (BPO) erregulazioari dagozkion ikerlanak nahiko
kontrajarriak izan dira eta hutsune ugari daude. Hala ere, zerbait gertatzen dela argi dago,
behintzat biosintesi prozesuari dagokionez (Trujillo eta Akil, 1991; Trujillo eta lank., 1995).
Katabolismoari dagokionez, APN edo endopeptidasa neutroaren inhibitzaileekin egindako
ikerlanak izan dira ugarienak. Tiorfana, kelatorfana, RB-101, e.a. inhibitzaileren botere
analgesikoa eta abstinentzia sintoma aurkakoa frogatzen dituztenak, alegia (Maldonado eta
lank., 1992; Roques eta Noble, 1995; Roques eta lank., 1999).
Hutsune hauek betetzen joateko helburuarekin, gizaki heroinazaleen eta tolerantzia
edo abstinentzia duten animalia ereduen garuneko peptidasa ezberdinen modulaziorik
gertatzen denentz deskribatzea proposatu da. Gizakiaren kasuan garun kortex prefrontala
eta nukleo kaudatua izan dira aztergai. Arratoietan berriz, garun kortexa (prefrontala
adibidez), amigdala, hipotalamoa, hipokanpoa eta kaudatua.
Sistema opioidearen erregulazioak opiazeoekiko menpekotasunean duen eragina
hobeto ulertzeko, ikerlan honetan BPO-en anderakuntzan garrantzitsuenak diren
aminopeptidasa biak (PSA eta APN-a) aztertu dira.
Bestalde, opiazeoen kontsumo errepikatuak beste neuropeptido askoren
katabolismoan sortutako eraginari buruzko ikerlanak oraindik eskasagoak direnez; TRH-a,
angiotentsina, bradikinina, basopresina, e.a. neuropeptidoren aderatzaileak diren entzimen
aktibitateak neurtu dira.
57
Doktore-tesia