Morfina taldea - Euskara

Materiala
Doktoretza-tesi honen alderdi esperimental guztia Medikuntza eta Odontologia
Fakultateko Fisiologia Sailari esleitutako Neurokimika Laborategietan egin da (UPV/EHU),
Jon Irazusta Astiazaran Saileko Katedradunaren zuzendaritzapean.
1. Materiala
1.1. Esperimentazio animaliak eta talde esperimentalak:
Animaliak:
Erabilitako animaliak Sprague Dawley anduiko eta barietate albinoko arratoi harrak izan
ziren, 225-300 gramo eta 6 – 9 asteko adinekoak hain zuzen ere.
Talde guztiak plastiko polikarbonatuzko kaioletan eduki ziren Euskal Herriko
Unibertsitateko abeltegian argitasun / iluntasun (12h / 12h), hezetasun (50%) eta
tenperatura (24ºC) baldintza arruntetan. Animaliak ad libitum elikatu ziren ura eta UAR 104
motako dieta estandarrarekin (Panlab ® ). Edukina: gluzidoak (%58), proteinak (%17),
lipidoak (%3), zelulosa (%5), mineralak (%5) eta hezetasuna (%12).
Taldeak:
I. Lan honetan, helburuan azaldu bezala, lehenengo fase batean animalia tratatugabeetan
peptidasa ezberdinen deskribapen orokorra egin zen garuneko zati ezberdinetan eta garun
kortexeko zatiki azpizelularretan. Azken honen purutasuna zehazteko frogak ere egin ziren.
Hau guztirako ondoren adierazten diren animalia erabili ziren:
Nerbio sistema zentraleko atal ezberdinetan (n= 12).
Garuneko kortexaren zatiki azpizelularretan (n= 12).
Zatiki azpizelularren purotasun frogak (n = 8).
59
Doktore-tesia