Morfina taldea - Euskara

Sarrera
batek arratoia espontaneoki abstinentzia egoeran sartzen denean estriatuko entzefalina
mailen gutxitzea ematen dela argitaratu zuen (Bergstrom eta Terenius, 1979). Datu hau
kontrajarriz, Wüster-en taldeak (1980) naloxonarekin eraginiko abstinentzian estriatuko
met-entzefalina mailak igo egiten direla argitaratu zuen.
β-Endorfinei dagokionez, BPO hauen mailak morfina tratamendu kronikoekin ez
direla aldatzen adierazi zuten Höllt eta lankideek (1978) hipotalamo, hipofisi eta plasman
egindako jarraipenetan. Hurrengo urtean Przewlockiren taldeak (1979) morfina tratamendu
luzeetan arratoi burmuinean eta hipofisian endorfina mailak murrizten direla argitaratu
zuten. Dinorfinei dagokionez, burmuinean eta hipofisian morfina-menpekotasunean
peptido hauen mailak egonkor mantentzen direla deskribatu zen (Ho eta lank., 1982).
Heroinarekin egindako ikerketak eskasagoak dira. 1987an azaldutako lan batean,
animalietan 72 ordutarako heroinazko pelletak ezarri ondoren menpekotasuna zuten
arratoien NSZ-ko atal ezberdinetan entzefalina eta dinorfinen maila igotze handiak ikusi
ziren (Weissman eta Zamir, 1987). Ikus daitekenez, lan honen emaitzak ez datoz bat Shani
eta lankideak (1979) morfina pelletekin lortutako emaitzekin. 1999an egindako ikerlan
batean, Cappendijk eta lankideek heroinaz tratatutako animalien (autohornikuntza
esperimentuak) estriatuan dinorfina eta entzefalina mailak altuak direla ikusi zuten. Ikerketa
berberean kokaina animalia taldeak ere bazituzten eta ez zituzten aldaketa berdinak ikusi,
BPO-en erregulazioa hartzaile opioideen bitartezko ekintza izan behar duela proposatuz
(Cappendijk eta lank., 1999).
Gai berdinean sakondu nahian baina planteamendua aldatuz, beharbada ikuspegi
terapeutiko batekin, barne peptido ezberdinez eginiko tratamenduak morfina edo heroinak
eragindako abstinentzia sindromea leundu zezakeen ala ez jakiteko frogak egin dira. 1976an
animalia ikerketetan β-endorfinak abstinentzia murriztu dezakela deskribatu zuten Tseng
eta lankideek; eta ez zen efektu berbera ikusi entzefalina eta dinorfinekin, beharbada
peptido hauen in vivo inaktibazio azkarrarengatik. Gizakiarekin egindako ikerketetan,
adibidez entzefalinen analogo sintetikoa den FK 33-824-rekin eginiko froga klinikotetan
konposatu honek heroinazaleen abstinentzia sintomak murriztu zitzakeela ikusi zen. Hala
ere, murrizketa hau morfinak sortutakoa baino txikiagoa zen (Holmstrand eta Gune, 1980).
Hiru urte beranduago abstinentziadun heroinazaleetan β-endorfina, entzefalina edo
45
Doktore-tesia