Morfina taldea - Euskara

Emaitzak
3. Heroinaren efektua giza garunaren kortex prefrontaleko
eta nukleo kaudatuko peptidasa ezberdinen gain.
Hurrengo 11 taula eta dagozkien grafiketan heroinazale eta beraien kontrolen garunen
aktibitate peptidasiko ezberdinak deskribatzen dira. Aztertutako atalak kortex prefrontala
eta nukleo kaudatua izan dira eta heroinak entzima hauen gain eraginik duenentz jakiteko
heroina taldea eta kontrolen arteko konparaketa egin da.
Kasuen kopurua nahiko txikia zenez (n= 8 kortexarentzako eta n= 5 kaudatuentzako),
BPO-ak anderatzen dituzten entzimen azterketarako, kasu bakoitzarekin esperimentu bat
baino gehiago egin da eta datu guztien tratamendurako Neurri Errepikatuko Bariantzaren
Analisia (ANOVA) erabili dugu. Kasu kopuruaren muga horri lagin kantitatearen eskasia
gehitu behar zitzaion; hori dela eta beste peptidasa talde hetereogenoaren artean guretzat
aipagarrienak direnekin ere (prolil endopeptidasa eta arginina aminopeptidasa) entseiuak
errepikatu ditugu eta tratamendu estatistiko berbera egin diegu. Besteekin berriz (Leu-AP,
ASP-AP eta Piroglutamil-P), n bakoitzeko esperimentu bakarra egin da eta heroina taldea
eta kontrolen arteko konparaketa egiteko parekatu gabeko T Student-a aplikatu dugu.
Aktibitateen baloreak mg proteinako peptidasa aktibitate unitateetan eman dira
(PAU/mg proteina), batazbestekoak eta estandart erroreak (S.E) azaltzen direlarik. Bai
ANOVA eta T Student-aren probabilitateak honela adierazi dira: P< 0.05 (* batekin
grafikan), P< 0.01 (**) edo P< 0.005 (***) datu esangarrientzako, eta (e.e.) batekin ez
esangarriak zirenean.
Datuen irakurketa errazteko, lehenengo atalean BPO-ak anderatzen dituzten
aminopeptidasa aktibitateak jarri ditugu eta bigarrenean beste peptidasa talde heterogeneoa
azaltzen dira.
3.1. BPO-ak anderatzen dituzten aminopeptidasak:
3.1. Taula eta 3.1. grafikan PSA (EC 3.4.11.2) solugarriaren aktibitatea azaltzen da. Bai
kortex prefrontalean bai kaudatuan heroina taldeko aktibitate entzimatikoa kontrolena
137
Doktore-tesia