Morfina taldea - Euskara

52
Doktore-Tesia
Sarrera
Ikus daitekeenez NSZ-an edo maila periferikoan opiazeoak zuzenean BPO-en
entzima anderatzaileengain duten eraginari buruzko ikerlanak nahiko eskasak dira.
Dirudienez, neurtutako entzimetan morfina tratamendu kronikoak hauen aktibazioa
eragiten du, kasu batzutan naloxonarekin itzultzen den efektua. Baina oraindik gai honetan
hutsune asko daude, eta are gehiago heroinarekin eginiko lanetan. Horregatik, tesi honen
helburuetariko bat BPO sistemaren katabolismoan opiazeoekiko tolerantzia edo
abstinentzia sindromean agertu litezkeen aldaketen deskribapen sakona egitea izan da; bai
gizaki zein animalietan.
3.6. Menpekotasuna, beste neuropeptidoak eta
hauen anderakuntza:
Tesi honetan aztertuko diren peptidasak BPO-ak ez diren beste peptido batzuen
inaktibazioaren arduradunak dira; hauen artean ezagunenak TRH-a, basopresina, hormona
sexualen askatzaileak, angiotentsina II eta III, bradikininak, P substantzia, e.a. direlarik.
TRH-a eta opiazeoak erlazionatzen dituzten lanak ez dira gutxi izan. TRH-ak
morfina abstinentzia sindromean agertutako hipotermia itzultzen duela frogatu da
(Bhargava HN, 1980). Morfina tratamenduak sortzen duen analgesiarekiko tolerantzia
TRH-ak murriztu egin dezakeela ere deskribatu da (Ramarao eta Bhargava, 1990). Morfina
abstinentzia sindromean PAG-an TRH-aren aitzindariak eta beren RNAm mailak
handitzen direla deskribatu da, sindromearen modulatzaile papera izan lezaketela
proposatuz (Ghan eta Sevarino, 1996; Legradi eta lank., 1996). 2002an, hipotalamo
lateralean TRH mailak abstinentzia sindromean handitu egiten direla ikusi da (Nillni eta
lank., 2002). Hormona honen anderakuntzan zerikusia duten entzima bi, prolilendopeptidasa
eta dipeptidil-peptidasa IV, abstinentzia sindromean hipotalamoan aktibitate
handiagoa azaltzen dutela deskribatu da (Idänpään-Heikkilä eta lank., 1995).