Morfina taldea - Euskara
Morfina taldea - Euskara
Morfina taldea - Euskara
Create successful ePaper yourself
Turn your PDF publications into a flip-book with our unique Google optimized e-Paper software.
48<br />
Doktore-Tesia<br />
Sarrera<br />
opioidergikoen hiperaktibitate egoerak BPO-en biltegiak azkar agortu ditzake, biosintesia<br />
inhibituta baitago. Biosintesia normalizatu ahala ordu edo egun batzutan egoera baldintza<br />
fisiologikoetara bueltatuko litzateke (Trujillo eta Akil, 1991).<br />
Atal honekin bukatzeko, komenigarria da tolerantzia edo abstinentzia<br />
fenomenoarekin eta barne opioide sistemarekin erlazioa duen gai bati buruzko aipamen<br />
berezia egitea: Peptido “antiopioideak” (AOP):<br />
Opiazeoen eraginez sortutako neuroegokitze mekanismoen artean orain arte<br />
azaldutako fenomeno nagusiak hartzaile mailan eta hartzaile-ostekoak izan dira; azken<br />
hauen artean, BPO-en biosintesiaren beheranzko erregulazioaren hipotesia. Baina azpiatal<br />
honetan kokatuta, ikerlari askoren ustez, ekintza antiopioidea duten peptido batzuk morfina<br />
tolerantzia edo abstinentzia fenomenoan eragina izan dezakete.<br />
Baldintza fisiologikoetan jakina da BPO-ek dituzten ekintza nagusien artean<br />
nozizepzioaren kontrola dagoela. Urteetan zehar aurkeztutako lan ezberdinek gure NSZ-an<br />
BPO “klasikoen” eta opiazeo exogenoen ekintzak modulatzen dituzten peptidoak<br />
sintetisatzen direla frogatu dute. Hala ere peptido ezberdin hauen artean batzuk propietate<br />
opioide eta antiopioideak dituztela frogatu denez, “antiopioide” hitza nahiko zalantzazkoa<br />
da eta “opioiden modulatzaile” bezala deitzea komenigarriagoa litzateke (Cesselin F, 1995).<br />
Propietate “antiopioideak” edo “opioide modulatzaileak” dituzten peptidoen<br />
adibideak hauek dira (Rothman RB, 1992; Harrison eta lank., 1998): Neuropeptido FF,<br />
Orfanina FQ edo nozizeptina, Tyr-MIF peptidoak, CCK-8, TRH-a, α-MSH eta baita BPO<br />
batzuk ere (dinorfina 1-13, dinorfina 1-17, β-endorfina 1-27, e.a). Hauen artean batzuk<br />
morfinaren antinozizepzioa leuntzen dute (Tyr-MIF, CCK-8 edo NPFF-ak), morfinarekiko<br />
tolerantzia murriztu dezakete (α-MSH, TRH), abstinentzia prezipitatu dezakete (NPFF),<br />
e.a.<br />
Gai hau oraindik sakontzeko dagoen arren, morfinarekiko tolerantzia eta<br />
abstinentzia prozesuetan peptido hauek eraginen bat izan dezaketela argitzen ari da. Izan<br />
ere, animali ereduetan nabaria zen zenbat eta tolerantzia sakonagoa izan hainbat eta<br />
naloxona dosi txikiagoa behar izana abstinentzia sindromea eragiteko. Orokorki azalduz,