Morfina taldea - Euskara

Eztabaida
IV. Gainera, gune hauek menpekotasunari dagokion punturako egokiak iruditu
zitzaizkigunez, egoera fisiologikoetan neurtutako garun atalak eta hurrengo fasean egoera
patologikoan aztertutakoak berdinak izatea pentsatu dugu.
Orokorrean, ikertutako peptidasa aktibitateen banaketa erregionala bai gizaki zein
arratoiaren garunean nahiko homogenoa izan da, PEP, PSA solugarria eta APB-an
agertutako ezberdintasun esangarriak kontuan hartu gabe. Zazpi entzimen aktibitateak
espezie bietan aztertutako garun gune guztietan ikusi dira.
Gainera, aztertutako 3 peptidasen aktibitateetan (PEP, PSA eta APB-a) espezie
arteko ezberdintasun esangarriak azaldu dira. Beste aktibitateetan joera adierazgarri batzuk
ikusi arren, ezberdintasunak ez dira esangarriak izan.
223
2.1. Prolil endopeptidasa peptido ezberdinen (adibidez TRH-a eta
ADH-a) anderakuntza eragin dezakeen entzima bezala deskribatu da (Welches eta lank.,
1993). Sinapsi mailan neuropeptido ezberdinen inaktibazioa hauen prolil aminoazidoak
hidrolisatuz eragiten duela dakigu (Walter eta lank., 1971; O’Leary eta lank., 1996). Bere
kokapena arratoi eta gizakiaren NSZ-ean ezaguna da (Kato eta lank., 1980; Wilk, 1983;
Kalwant eta lank., 1991) eta gure esperimentuetan horrela dela baieztatu dugu.
Baina PEP-aren aktibitatean, bai solugarrian zein mintzari lotutakoan, adierazgarriak
iruditu zaizkigun emaitza bi azpimarratu behar dira:
2.1.1. Arratoiaren garunean PEP-aren banaketa nahiko homogeneoa dela azaldu
den bitartean (amigdalan ikusitako joera salbu), giza garun kortexean beste guneetan baino
aktibitate esangarriki handiagoak azaltzen dira. Emaitza hauek Kato eta lankideak (1980)
giza garun homogenatuetan ikusitako PEP solugarriaren emaitzekin bat dator.
Griffiths eta lankideek (1985) TRH-aren anderakuntza mailak kortexean beste
ataletan baino nabariagoak direla deskribatu zuten. Gure lanean azaldutako kortexeko 3 atal
ezberdineko (PF, O eta P) PEP isoforma bien maila altuak lan horretan azaldutakoa
sostengatzen dute, PEP-a TRH-aren inaktibazioan zerikusia duela deskribatu baita
(Welches eta lank., 1993). Hipotalamoko hormona peptidiko honek, TSH-a edo hormona
Doktore-tesia