Morfina taldea - Euskara
Morfina taldea - Euskara
Morfina taldea - Euskara
Create successful ePaper yourself
Turn your PDF publications into a flip-book with our unique Google optimized e-Paper software.
224<br />
Doktore-tesia<br />
Eztabaida<br />
tiroideen askapenean duen eraginaz gain, eragin trofiko zuzenak dituela deskribatu da<br />
(Banda eta lank., 1985 eta 1987; Bauer, 1987). Beraz, PEP aktibitatea NSZ-an filogenetikoki<br />
eboluzionatuago dauden guneetan azaltzeak oraindik hain ezezaguna den ehun honen<br />
garapenean entzima honek funtzioren bat izan behar duen susmopean jartzen gaitu. Egia<br />
esan, emaitza interesgarri hauek, espezie gehiagoren filogenesian PEP-aren funtzioa zein<br />
izan daitekeen ulertzeko asmoz, ikerketa lerro berri bat zabaldu dute gure <strong>taldea</strong>n<br />
(Agirregoitia eta lank., 2003).<br />
Hildu honetan, ikerlan anitzetan PEP-a oroimena, ezagutza eta ikaskuntza<br />
funtzioarekin erlazionatu da (Shishido eta lank., 1998); garun kortexarekin erlazio zuzena<br />
duten funtzioekin alegia (Coyle eta lank., 1983; Araujo eta lank., 1988). Are gehiago,<br />
azkeneko hamarkadan Alzheimer, Parkinsona, Huntington, e.a. endekapenezko gaixotasun<br />
neurologikoetan entzima honen aktibitate aldaketak ikusi dira. Alzheimerraren kasuan PEP<br />
garun kortexean soilik agertzen dela eragindua deskribatu da (Ichai eta lank., 1994; Mantle<br />
eta lank., 1996). Gainera, entzima honek oroimenarekin zerikusia duela eta, gaur egun PEPren<br />
inhibitzaileekin azterketa preklinikoak egiten hasi dira karraskari, tximino eta gizakian<br />
(Schneider eta lank., 2002; Morain eta lank., 2002) emaitza onak agertu direlarik.<br />
Inhibitzaile hauek garun kortexean eragin gehiago dutela ere deskribatu da (Toide eta lank.,<br />
1995).<br />
Beraz datu hauek ikusita eta argitaratuko ikerlanak kontuan hartuz, gizakiaren garun<br />
kortexaren fisiologian PEP-ak funtzioren bat izan dezakela proposatu daiteke.<br />
2.1.2. Peptidasa honen analisian ikusitako beste berezitasun bat espezie arteko<br />
aktibitate maila hain ezberdinak izan dira. Izan ere, giza garuneko PEP aktibitatea<br />
arratoiarena baino handiagoa dela aurkitu dugu aztertutako garuneko atal guztietan eta<br />
entzimaren isoforma bietan. Baina espezie bien kortexeko PEP mailak konparatuz, gizakian<br />
entzima honen aktibitatea arratoian baino 3-4 bider handiagoa dela ikusi dugu.<br />
Beharbada, emaitza hau goian eztabaidatutakoaren Hildu berberean kokatu<br />
genezake. Garun kortexaren garapenarekin eta gune honekin zerikusia duten funtzio<br />
bereziekin erlazionatu den entzima hau gizakiaren kortexean arratoian baino maila askoz<br />
altuagoetan agertzeak badu bere logika.