Morfina taldea - Euskara

216
Doktore-tesia
Eztabaida
aminopeptidasaren aktibitate handienak zatiki azpizelular honetan aurkitzen dira. Era
berean, PSA solugarriaren eta arginil aminopeptidasaren (APB) banaketa homogeneoagoa
izan arren, zatiki sinaptosomalean aktibitate altuak ikus daitezke gizaki eta arratoiaren garun
kortexean.
Kokapen nagusi honen zergatia ulertzea ez da errazegia gaur arte ditugun datuekin
behintzat. 1987an Hersh eta lankideak peptidasa batzuk bere funtzioa sinapsi inguruan izan
dezaketela deskribatu zuten; neuropeptidoen zelula barneko katabolismoak sinapsietatik
hurbil peptido hauen kontzentrazio gradientea mantentzen lagundu lezaketela proposatuz.
Autore batzuen eritziz, entzima hauen kokapena nahiz eta zelula-barnekoa izan
neuropeptidoen anderakuntzan era bitan parte hartu lezakete: neuropeptidoak bere
hartzailearekin konplexu bat sortu eta zelulan barneratu ondoren, edota peptidasak gune
sinaptikora askatuz gero (Gibson eta lank., 1989). Ideia honi lagunduz, duela gutxi PSA-ren
sinapsirainoko garraio axonala frogatzen duen lan bat aurkeztu da, entzima honen
neuropeptido anderatzaile funtzioa bukaera edo gune sinaptikoan gertatzen dela
proposatuz (Yamamoto eta lank., 2002). APB-aren kasuan ere, arratoiaren guruin
adrenaleko feokromozitoma zeluletan entzima honen jariaketa deskribatu da (Balogh eta
lank., 1998). Beraz, entzima solugarri hauen aktibitate nagusia zelula barnean gertatzen dela
argi egon arren, sinapsi inguruan proportzio handietan azaltzeak zergatia bat baino gehiago
izatea posible litzateke, ezin daitekelarik entzimen askapenaren hipotesia baztertu.
Bestalde, zelula arteko komunikazioan eragina duten peptidoak kontuan hartu gabe,
proteina ezberdinen apurketaren ondorioz eratutako peptidoen anderakuntza nagusiki
zelula barnean gertatzen dela onartuta dago; zitosolean batipat (O’Cuinn, 1997).
Tesi honetan deskribatutako entzima solugarri guztietan zatiki sinaptosomalean eta
zitosolikoan azaldutako aktibitateak batera aztertuko bagenitu – azken finean
sinaptosometako edukina zitosola baita – aktibitate espezifiko guztiaren erdia edo gehiago
zelularen zitosolean ematen dela adierazi genezake. Aktibitate hauen artean PSA solugarria,
APB-a eta prolil endopeptidasa solugarriarenak (gizakian) beste entzimenak baino askoz
handiagoak izan dira. PSA-ren kasuan adibidez, aminopeptidasa hau garunean aurkitzen
den ugariena dela eta bere aktibitatearen %80-a zatiki solugarrian ematen dela dakigu
(McLellan eta Lank., 1988). Beraz deskribatutako aktibitate zitosoliko handia kontuan