Morfina taldea - Euskara

Emaitzak
4. Morfinarekiko tolerantzia eta abstinentzi sindromearen
efektua arratoiaren NSZ-ko gune ezberdinetako peptidasen
gain.
Atal honetan morfinarekin eta morfina eta naloxonarekin tratatutako arratoien eta
beraien kontrolen NSZ-ko 7 gune ezberdinetako peptidasa aktibitateak deskribatuko dira.
Aukeratutako garuneko atalak amigdala (A), hipotalamoa (Ht), hipokanpoa (Hc), kaudatua
(K), kortex prefrontala (PF), okzipitala (O) eta parietala (P) izan dira.
Aktibitateen baloreak mg proteinako peptidasa aktibitate unitateetan eman dira
(PAU/mg proteina), batazbestekoak eta estandart erroreak (S.E) azaltzen direlarik.
Konparatutako datuak morfina edo abstinentzia taldearenak eta beraien kontrolenak
izan dira eta horretarako parekatutako T Student test-a erabili dugu, talde bikote bakoitzaren
tratamenduak eta neurketa entzimatikoak baldintza eta momentu bereberean egin baitziren.
T Student-aren probabilitateak honela adierazi dira: P< 0.05 (* batekin grafikan), P<
0.01 (**) edo P< 0.005 (***) datu esangarrientzako, eta (e.e.) batekin ez esangarriak
zirenean.
Datuen irakurketa errazteko, lehenengo puntuan BPO-ak anderatzen dituzten
aminopeptidasa aktibitateak deskribatuko ditugu eta bigarrenean beste peptidasa talde
heterogeneoa aurkeztuko da.
Azkenengo puntuan abstinentzia taldea eta beraien kontrolekin abstinentzia
sindromearen gogortasuna neurtzeko eginiko esperimentu konduktualetan, bakoitzak
izandako puntuaketa orokorraren konparaketa aurkeztuko da. T student test-a erabil dugu
horretarako.
4.1. BPO-ak anderatzen dituzten aminopeptidasak:
4.1 – 4.2 Tauletan eta dagozkien grafiketan morfina taldean eta abstinentzia taldean
neurtutako PSA (EC 3.4.11.14) solugarriaren aktibitateak deskribatzen dira hurrenez
hurren. Morfinarekin tratatutako arratoien garunean kontroletan baino aktibitate
163
Doktore-tesia