Morfina taldea - Euskara

Sarrera
entzefalinen aitzindarien RNAm-ari deskribatu zuen. Estres estimuluetariko bat
opiazeoekiko abstinentzia sindromea izan zen eta egoera honetan proentzefalinaren RNAren
maila igotzeak ikusi ziren. Hurrengo urtean estriatuan egindako ikerketetan, tolerantzia
eta abstinentzia sindromean alderantzizko emaitzak azaldu ziren, estriatuan
preproentzefalina (PPE) RNAm maila jaisteak alegia (Uhl eta lank., 1988). 1992an Childersen
taldeak agonista opioideak sortutako adenilil ziklasaren beheranzko erregulazioaren
ondorioetariko bat PPE RNAm mailen gutxitzea zela adierazi zuen. Urte bete beranduago
Basheer eta Tempel-ek (1993) morfina tratamendu kronikoaren ondorioz emaitza
ezberdinak jaso zituzten NSZ-ko atalen arabera. Estriatuan eta kortex frontalean PPE-ren
RNAm mailak jaitsi egin ziren. Ordea, hipokanpoan gorakada nabarmena jasan zuten.
1995an Trujillo eta lankideak estriatuko atal ezberdinetan egindako frogetan morfina
tratamenduak PPEren mailak ez dituela aldatzen azpimarratu zuten.
Dinorfinen sistemari dagokionez, morfinazko tratamendu kronikoak
prodinorfinen mailen igotzea eragiten duela estriatuan (Trujilo eta Akil, 1990), eta bere
RNAm-ak beherantzko erregulazioa jasaten duela estriatuan eta hipokanpoan ( 1 Romualdi
eta lank., 1990) edota hipotalamoan (Basheer eta Tempel, 1993) deskribatu da.
Ikus daitekeenez, orain arte deskribatutakoarekin ez da erraza opiazeo
menpekotasuna eta BPO-en erregulazioaren arteko erlazioaren eskema orokor bat egitea.
Urteetan agertutako emaitzak eta proposaturiko hipotesiak ez datoz guztiak bat. Baina
behintzat zerbait argi gelditu bada zera da: hastapenetan uste zena zehaztuz, zuzenean
neuropeptido aktiboei baino bere metabolismoari eragiten diola opiazeoen tratamendu
kronikoak.
Egile askoren eritziz opiazeoak jarraian hartzean, droga hauen feed-back negatiboaren
ondorioz, peptido hauek kodifikatzen dituzten RNAm-aren sintesia murrizten da.
Biosintesiaren inhibizio hau aitzindari edo BPO aktiboen mailari ez eragiteak paradoxikoa
dirudien arren feed-back-aren hipotesiak nahiko errez azaltzen duela diote ikerlari hauek.
Izan ere, morfinak sorturiko inhibizioak BPO-ak dituzten neuronetan peptido hauen
askapena modulatzen du, eta horregatik nahiz eta biosintesia inhibitzen hasia egon, BPO
edo aitzindarien mailak altu edo egonkor diraute. Egoera hau nahiko ixila mantentzen da
morfinaren eraginpean, baina droga exogenoa hartzeari uztean (abstinentzia) neurona
47
Doktore-tesia