Morfina taldea - Euskara

Helburuak
Peptidasak, peptido ezberdinen apurketa hidrolitikoaren katalisatzaileak dira.
Angiotensina eraldatzen duen entzima edo peptidasaren inhibitzaileak hipertentsiokontrako
boterea dutela ikusi zenetik (Ondetti eta lank., 1977) entzima hauekiko interesa
asko suspertu zen. Aspalditik onartuta dago neuropeptidoen inaktibazioa batez ere
peptidasen bitartez egiten dela (Iversen, 1987), eta ildo honetan neuropeptidoen
anderatzaileak diren peptidasa ugari deskribatu dira hainbat espezieren NSZ-an eta beste
ehun ezberdinetan, bai zelulen mintzan eta bai zitosolean (Turner, 1987; Hersh, 1982;
Mantle, 1992; Taylor, 1993; O’Cuinn, 1997).
Lan honetan 7 peptidasa ezberdinen aktibitateak aztertu ditugu gizaki eta
arratoiaren garunean: Puromizinarekiko sentikorra den aminopeptidasa, APN, prolilendopeptidasa,
arginil-AP, leuzil-AP, piroglutamil-peptidasa eta aspartil-AP. Sarreran
azaldu bezala, entzima hauek neuropeptido ugariren hidrolisian parte hartzen dute; euren
artean, barne peptido opioideak, TRH-a eta angiotentsina II eta III. Nurotransmisore edo
hormona funtzioa duten peptido hauen erregulazioaren ezagutzan zerbait laguntzeko
asmoz egindako azterketa deskriptibo hau baldintza fisiologikoetan eta egoera patologiko
konkretu batean egin da, helburu hauei jarraituz:
1. Gizakiaren eta arratoiaren garun kortexean peptidasen banaketa
azpizelularra ezagutu:
Garuneko neuropeptidoen metabolismoari dagokionez, nahiko ezarrita dago mintz
plasmatikoari lotutako peptidasen funtzioa neuropeptidoen – neurotransmisore edo
hormona ezberdinen – metabolismoan (Turner, 1986). Baina ezer gutxi dakigu peptidasa
askoren kokapen intrazelularrari buruz, eta are gutxiago zatiki solugarrian dauden
peptidasen funtzioari buruz (Mantle, 1992).
Peptidasen banaketa azpizelularraren ikerketak neuropeptidoen aktibitatearen
erregulazioa zelula mailan ulertzen lagun diezaguke. Hori dela eta, peptidasa solugarrien eta
mintzari lotutakoen aktibitateak nukleo, mitokondria, mikrosoma (lisosomak eta erretikulu
endoplasmikoa), zitosol eta sinaptosometan neurtu dira gizaki eta arratoiaren garun
kortexean.
55
Doktore-tesia