Morfina taldea - Euskara

Eztabaida
biltegien agortzea eragiten duen MPTP-ak met-entzefalina edo “antzeko” peptido txikien
mailak igoarazten dituztela ikusi baita (Houdi eta Van Loon, 1990; 1 Gudehithlu eta lank.,
1991). Ideia honi helduz, Konkoy eta Waters-en taldeek (biek 1996an) haloperidolak
estriatuan eta garun kortexean APN-aren aktibitatea gutxitzen duela ikusi zuten, farmako
honek estriatuan sortutako met-entzefalinen maila igotzeak entzima hau inhibituz gertatu
litezkeela proposatuz. Argitaratu berria den ikerlan batean, gizakiaren plasman eginiko “in
vitro” esperimentuetan fenotiazina ezberdinek (dopamina antagonistak) leu-entzefalinen
anderakuntza inhibitu dezaketela ikusi dute (Mosnaim eta lank., 2003).
Opiazeoek eta beste droga menpekotasun sortzaileek ezaugarri fisiopatologiko
amankomun bat dute; bide mesolinbiko dopaminergikoaren (sari-zirkuituen) aktibazioa
(Nestler, 2001; Fernández-Espejo; 2002). Beharbada, gure esperimentuetan morfinarekin
kronikoki tratatutako arratoien estriatuan azaldutako APN aktibitate altua dopamina
hiperaktibitatearen efektu ez-zuzena izan liteke. Hala ere, hipotesi hau baieztatzeko beste
ikerketa espezifikoagoak egitea beharrezkoa dela iruditzen zaigu.
II. Naloxonarekin eragindako abstinentziadun arratoietan APN-aren aktibitateak
tolerantzian zeudenen kontrako joera agertu du. Kasu honetan esangarria izan da
hipokanpoan agertutako APN aktibitatearen gutxitzea.
APN-ak entzefalinen anderakuntzan duen funtzio kontutan hartuz, entzima honen
aktibitate gutxitzeak gune honetako peptido opioideen erabilgarritasuna handitzea eragin
beharko luke abstinentzia sindromean. Zentzu honetan, BPO-en katabolismoaren
inhibitzaileekin egindako ikerketetan konposatu hauek naloxonaz eragindako abstinentzia
sintomak leundu ditzaketela deskribatu da (Maldonado eta lank., 1992; Roques eta Noble,
1995). Bestalde, entzefalinen ekoizpenean eragina duen endo-oligopeptidasa aktibitatea
handituta azaldu zen naloxonaz eragindako abstinentziadun arratoien hipokanpoan (Paik
eta lank., 1994).
Datu hoiek kontuan hartuz, posible litzateke abstinentzian agertutako APN maila
gutxitzeak erregulazio mekanismo bat izatea abstinentzia sintomen murrizketa eragiteko.
Hala ere, emaitza honen irakurketa ez da batere erraza, opiazeoekiko abstinentzia
231
Doktore-tesia