Morfina taldea - Euskara

16
Doktore-Tesia
Sarrera
endorfinak µ-hartzailea eta baita δ-hartzailea ia afinitate berez ezagutu ditzake (Roques,
1999).
Gaur egun, bost aminoazidoko egitura amankomun gabeko eta opioide aktibitatea
duten peptido berriak ere ezagutzen dira.
Nozizeptina edo orfanina FQ (OFQ), ORL-1 hartzaile opioidearen lotugai naturala,
17 aminoazidoz osatutako peptidoa da. Bere amino muturreko lehen eta bostgarren
aminoazidoak tirosina eta leu/met izan beharrean, fenilalanina eta threonina dira (Phe-Gly-
Gly-Phe-Thr) (Meunier eta lank., 1995; Reinscheid eta lank., 1995). OFQ-aren prekurtsorea
pronozizeptina edo proorfanina FQ da. Gizakien eta karraskarien NSZ estraktuetan
(Reinscheid eta lank., 2000) eta baita gaizkatan ere klonatu izan da. Arrain espezie honetan
klonatu izanak opioide klase honen eta besteen arteko erlazio ebolutiboa ulertzeko
aurrerapausu bat izan liteke (Danielson eta lank., 2001).
Prekurtsore honen mRNA maila altuak sistema linbikoan deskribatu dira,
nozizeptinak duen estres-aurkako aktibitatea azpimarratuz; gero knock-out arratoietan ikusi
den bezela (Reinscheid eta lank., 2000).
Pronozizeptinak OFQ-z gain peptido biologikoki aktibo bi gorde ditzake. OFQ2-a
adibidez ahalmen analgesiko handia duela deskribatu da (Amodeo eta lank., 2000).
OFQ edo nozizeptina, azkenengo urteetan ikertzaile ezberdinek deskribatutako
opioideen aurkako familia barnean kokatzen dute (Harrison eta lank., 1998).
Endomorfina 1 eta 2 (EM 1 edo 2) µ-hartzaileari afinitate handiz lotzen zaizkion
arren, tetrapeptido hauen aminoazido sekuentziak Tyr-Pro-Trp-Phe edo Tyr-Pro-Phe-Phe
dira (Zadina eta lank., 1997). EM-1 NSZ gune askotan kokatzen da eta EM-2 orno-
muineko atzeko adarrean agertzen da gehienbat. Biak deskribatu izan dira µ-hartzaile
dentsitate handiko guneetan eta NSZ-ren funtzio askotan partaide direla ikusi da (Zadina
eta lank., 1999). Oraindik ez da bere aitzindaria klonatu.