Morfina taldea - Euskara

Ondorioak
I. Ikertutako peptidasa aktibitateak (PSA, APN, PEP, APB, LAP, APA eta PG I)
gizakia eta arratoiaren garunean aztertutako atal eta zatiki azpizelular guztietan aurkitzen
dira. Gainera, peptidasa aktibitate solugarria mintzari lotutakoa baino handiagoa izan da, eta
handiena PSA solugarriak eta APB-ak izan dute..
II. Peptidasa solugarrien banaketa azpizelularra gehienbat zitosolikoa da, baina zati
handi bat bukaera sinaptikoan (sinaptosometan) ematen da. Aktibitate maila altua denez,
zatiki hauetan peptidoen erregulazioan funtzio garrantzitsuren bat daukatela esan behar da.
III. Mintzari lotutako peptidasa aktibitate nagusiak (APN-a izan ezik) zatiki
mielinikoan eta sinaptosomalean agertu dira. Kokapen mielinikoak nerbioen garapen edo
endekapen prozesuekin erlazioa izan lezake. Era berean, kokapen sinaptosomalak, gune
sinaptikoan neuropeptido aktiboen anderakuntzarekin erlazioa dauka.
IV. APN aktibitate azpizelular nagusia nukleoan azaldu da. Aktibitate hau metentzefalinak
(opioid growth factor edo OGF bezala ezagutua) zelulen garapenean duen
funtzioarekin erlazionatuta egon daiteke.
V. Giza garuneko PEP eta PSA-ren aktibitateak arratoiarenak baino esangarriki
handiagoak dira; berriz, APB aktibitate gehiago dago arratoi garunean.
VI. PEP aktibitatea gizakiaren kortexean ebolutiboki atzeratuagoak dauden
guneetan baino askoz altuagoa da. Alderantziz, PSA solugarria eta APB-aren kortexeko
aktibitateak eskasagoak dira (maila txikiago batean). Peptidasa hauek, batez ere PEP-ak,
garun kortexaren garapenean eta fisiologian ekintza bereziren bat izan dezaketela
proposatzen dugu.
VII. Barne peptido opioideak (nagusiki entzefalinak) anderatzen dituzten
aminopeptidasen artean aktibitate altuenak PSA solugarriak eta txikienak APN-ak azaltzen
dituzte bai gizakia zein arratoiaren garunean.
237
Doktore-tesia