Morfina taldea - Euskara
Morfina taldea - Euskara
Morfina taldea - Euskara
Create successful ePaper yourself
Turn your PDF publications into a flip-book with our unique Google optimized e-Paper software.
234<br />
Doktore-tesia<br />
Eztabaida<br />
PSA solugarrian ikusitako aldaketek BPO-en biosintesiaren beheranzko<br />
erregulazioaren hipotesian izan dezaketen kokapena asmatzea ez da erraza. Cummins eta<br />
O’Connor-ek (1998) entzima solugarrien funtzioetariko bat zelula barnean neuropeptidoen<br />
edukina gehiegizkoa denean hauek anderatzea izan daitekeela proposatu zuten. Beharbada<br />
morfinak edo heroinak neurona opioidergikoetan eragindako neuropeptidoen askapenaren<br />
inhibizioaren ondorioz zelula barnean pilatutako BPO edo “antzeko” peptido txikien gain<br />
PSA solugarriak eraginen bat izan dezake.<br />
Laburbilduz, tesi honen azken helburu nagusia opiazeoekiko tolerantzia eta<br />
abstinentzia egoerak BPO-ak anderatzen dituzten aminopeptidasetan eraginik duenentz<br />
jakitea izan da. Bai APN-a eta PSA solugarriaren kasuan aktibitate entzimatiko hauek<br />
garuneko gune ezberdinetan aldaketak jasaten dituztela aurkitu dugu; beraz fenomeno<br />
patologiko hauetan zerikusiren bat izan lezaketela proposatzen dugu. Hala ere, oraindik gai<br />
honetan dauden hutsuneak oso nabariak dira eta hauek betetzeko beste ikerlan gehiago eta<br />
sakonagoak beharrezkoak izango dira.<br />
3.2. Opiazeoekiko menpekotasuna eta beste peptido<br />
batzuen anderakuntza:<br />
Tesiaren azkenengo etapan heroinak edo morfinak 1. eta 2. puntuetan azaldutako<br />
beste peptidasengain (PEP, APB, LAP, APA eta PG I) efekturik izan dezakeen ikustea izan<br />
da, opiazeoen kontsumoak hainbat neuropeptido ezberdinen biosintesia edo askapenaren<br />
gain eragina duela deskribatu baita (Lorenzo eta lank., 1999).<br />
Hildu honetan peptidasa hauek eta beste batzuei buruz azaldutako ikerlanak oso<br />
eskasak izan dira. <strong>Morfina</strong>rekin egindako tratamenduei dagokionez, ehun ezberdinetan<br />
PEP, dipeptidil-peptidasa IV, angiotensina eraldatzen duen entzima, e.a. peptidasen<br />
aktibazioa deskribatu da (Idänpään-Heikkilä eta lank., 1995; Korányi eta lank., 1989; Melzig<br />
eta lank; 1998). Beste droga psikoaktibo batzuen artean, etanolak garunean guk aztertutako<br />
peptidasen gain aldaketak eragiten dituela adierazi dute Mayas eta lankideek (2001 eta<br />
2002).
Change language