Haur euskaldunen hizkuntzaren jabekuntza-garapena ... - Euskara

142
Bestalde, INFL-barruan ekoizten ditugun zenbait menderagailuren
erabilpena erakutsiko dugu ((223), (224) eta (225) adibideak) .
Adibide hauek denboragabeko mendeko esaldien erabilpena erakusten
digute :
(223) ba, etxie(etxea e(g)iteko (0 . 2 ;o4 ;l1)
(224) berak badaki zubia e(g)iten (0 . 2 ;o4 ;11)
(225) hau ez dekot(daukat) ipinita (0 . 2 ;o4 ;11)
- Aldi edo aro honetan, adizki jokatugabeek adierazten duten
aspektu desberdinak ekoizten ere hasten da haur hau . Horrela,
2 ;o3 ;o9 adineko grabaketatik aurrera aspektu burutua eta ezburutua
darabiltza . Gertakizunekoa ere 2 ;o4 ;11 adineko grabaketan
agertuko zaigu, baina adizki jokaturik ez duen esaldi baten hain
zuzen . Hona hemen adibideak :
(226) holakue nun da(g)o ?, sartuten da (0 . 2 ;o3 ;o9)
(227) ez da kausten(jausten) (0 . 2 ;o4 ;24)
(228) ni(k) ez ikutuko oholak (0 . 2 ;o4 ;24)
Gainera, haur honek aldi labur baten (2 ;o4 ;11-tik 2 ;o4 ;24-ra hain
zuzen) aspektu-marka desberdinak adizki ' jokaturik gabeko
esaldietan ere badarabiltzala ikus dezakegu (ikus (228) adibidea
eta 5 .1 . TAULA) .
Aspektu-marka ezberdinen erabilpen honek ez du baieztatzen, gure
ustez behinik behin, AspS-en izatea kategoria aske legez . Baina
aurkako argudiorik ere ez dugu uste ematen duenik . Baliteke,
beraz, AspS-en erabilpena ere gauzatzea une honetan . Era
guztietan, zaila iruditzen zaigu IS-en eta ustezko AspS-en arteko
kronologia-berezketa egitea .
- KONP funtzio-kategoriaren erabilpena, aitzitik, ez dugu uste
hirugarren aro honetan erdietsi duenik . Hala ere, ondoko esaldi
biak zalantzan jartzen dute gure baieztapen hau :
(229) holakue da ta (0 . 2 ;o3 ;o9)
(230) atara da ta (0 . 2 ;o3 ;o9)
Ekoizpen hauen ingurua azterturik, lehen ere esan dugunez, ez dago
bat ere argi delako '(e)ta' partikula koordinagailutzat edo
menderagailutzat darabilen adibideotan .
Guzti hau ikusirik, baliteke delako 'eta' partikula
konplementagailuen eragingarria izatea, bere funtzio bikoitzaz
baliaturik (koordinagailua eta konplementagailua) .
- Bestalde, gramatika-kasuen erabilpena sendotu egiten da 2 ;o3 ;o9
adineko grabaketatik aurrera .