Haur euskaldunen hizkuntzaren jabekuntza-garapena ... - Euskara

7 .4 .
412
LAUGARREN AROA EDO KONP FUNTZIO-KATEGORIAREN ERABILERAREN
HASIERAK MUGATZEN DUEN AROA
Laugarren aro honetan, gure hipotesiaren arauera, haurrek KONP
funtzio-kategoriaren eta egituraren erabilera gauzatuko dituzte .
Edo beste berba batzuekaz esanda, KONP funtzio-kategoriaren
erabileraren hasierak mugatuko du laugarren aro hau .
Laugarren aro edo urratsean INFL eta KONP funtzio-kategoriak
erabiliko dituzte haurrek, beraz .
INFL funtzio-kategoria erabiliko dutela diogunean, gogoan izan
behar dugu aurreko aroan, hirugarren aroan hain zuzen, delako
funtzio-kategoria dagoeneko erabili dutela, edo erabiltzen has¡
direla . Hobeto legoke, beraz, INFL-en gramatika-ezaugarri berriak
erabiltzen hasiko direla esatea .
KONP funtzio-kategoriaren erabileraren bidez, haurrek
konplementagailuak erabiltzeko gaitasuna izanen dute . Horrela,
denboradun mendeko perpausak gauzatu ahal izanen dituzte .
Pentsatzekoa da hasieran erabiliko dituzten konplementagailuak ' -
ela', '-en' eta ' -elako' izango direla .
Honez gain, KONP funtzio-kategoriaren erabilerak egitura-egongune
berri baten gauzatzea ere badakarkie . Horrela, haurrek, hemendik
aurrera, hainbat fenomenotan erabil dezaketen ezkerraratzeko
mugimenduaren lurreragunea ezagutuko dute : K I' egituraren
espezifikatzailea hain zuzen . Egongune horretara, adibidez,
galdegaiak zein NZ-hitzak aurreratu ahal izango dituzte .
Guzti horrexegatik, pentsatzekoa da, laugarren aroan menderatuko
duten egitura honelakoa izango dela :
(515) K''
esp K'
/ \
K I''
/ \
esp I'
A'' I
/ \
esp A'
/ \
Iz'' A
Aurreko aroetan gertatu den bezalaxe, mintzagaia, une honetan ere
darabilten egiturari ezkerretan datxekie, hots, KS-en egituraren
ezkerretan :