Haur euskaldunen hizkuntzaren jabekuntza-garapena ... - Euskara

378
osagarria ordena ezberdinetan gauzatzen dituzte edo gauza
ditzakete behinik behin . Gogora ditzagun (108), (109) eta (110)
egiturak .
Eta guzti hau haur hauen bigarren aro honen ekoizpenean gertatzen
hasi denez, aro honetan AS-en egitura erabiltzen hasi direla esan
dezakegu .
7 .2 .9 . EZEZKO ESALDIEN OSAGAI-HURRENKERA
Baina bada bereziki azpimarratu nahi dugun beste ekoizpen-moeta
bat, ezezko esaldietan gertatzen dena hain zuzen ere .
Ezezko esaldien ekoizpen-moeta hau 0 . haurrarengan da batez ere
berezia . Haur honek bigarren aro honetan 7 ezezko esaldi ekoizten
ditu, eta hauetariko hiruretan aditz-multzoa ('ez' ezeztapenpartikula
barne) esaldiaren hasieran jartzen du . Hona hemen
adibideak :
(227) ez dago hemen (0 . 2 ;oo ;o5)
(228) ez dago zezena (0 . 2 ;oo ;26)
(229) ez dago garbian (0 . 2 ;o2 ;oo)
Beste lau adibideetan, aditz-multzoaren aurrean dagoen osagaia
mintzagaian dagoela dirudi . Hona hemen :
(230) o(ra)intxe ezin da (0 . 2 ;oo ;o5)
(231) hor ez da(g)o (0 . 2 ;oo ;26)
(232) han ez da(g)o (0 . 2 ;oo ;26)
(233) horti(k) ezin da (0 . 2 ;o1 ;19)
Ezezko aditz-multzoa esaldiaren hasieran duten adibideentzat ez
dugu uste aski denik Ouhalla-k proposatzen duen azalpena (egoera
honetan AOS osagai-ordena hain zuzen), harrigarria bailitzateke
ezezkoetan ia % 50 alditan ordena hau burutzea, esaldi guztiak
kontutan harturik % 5-era heltzen ez denean . Gainera beste lau
adibideek mintzagaia dutela esaldiaren hasieran esaten badugu,
badirudi haur honek, ezezko esaldiak gauzatzerakoan ezezko aditzmultzoa
esaldiaren hasieran jartzeko joera duela .
Hauez gain, gure ustez behinik behin, badu haur honek 'bai/ba(i) -'
baieztapen-partikularekin gauzaturiko beste antzeko adibide bat .
Hona hemen :
(234) Oitz txikik badeko(dauka) handia (0 . 2 ;ol ;19)
Adibide honetan, gure ustez, antzeko zerbait gertatzen dela
esaterakoan zera esan nahi dugu : 'ba(i) -' baieztapen-partikuladun
aditza esaldiaren hasierara aurreratua dagoela, bertoko subjektua
mintzagaian atxikirik dagoelarik .