Haur euskaldunen hizkuntzaren jabekuntza-garapena ... - Euskara

369
(150) lau sei da(g)o(z) (M . 1 ;o9 ;22)
(151) (nik) ez daki(t) (M . 1 ;o9 ;22)
(152) bi da(g)o(z) (0 . 2 ;oo ;o5)
(143) (nik) ez daki(t) (0 . 2 ;ol ;19)
Gainera, hiru haurrek darabiltzaten adizki trinko guztiak
orainaldiko singularreko hirugarren subjektu-pertsonari
dagozkionak dira : 'da', 'dago' eta 'daki', hain zuzen . Adizki
laguntzaile iragangaitza 'da' dugu beti . Eta azkenik, adizki
laguntzaile iragankorraren arloan 'du' da P . haurrak darabilena .
Guzti honexegatik, badirudi bigarren aro honetan inolako pertsonakomunztadurarik
ez darabiltela . Aditzen bidez adierazten dutena,
gure ustez, honetan datza : adizki jokatuak eta jokatugabeak, eta
adizki jokatu trinkoak eta laguntzaileak bereztean . Eta agian,
laguntzaile iragangaitzak eta iragankorrak bereztea, zeregin
honetan ergatibotasunak ere laguntzen dielarik . Haatik, Aditz
kategoriaren nolabaiteko erabileraz mintza gaitezkeela uste dugu,
baina inola ere ez INFL funtzio-kategoriaren erabileraz .
7 .2 .3 . ADIZKI JOKATUBAGEEN ASPEKTUA
Arlo honetan 0 . eta P . haurrek ez darabilte inolako aspektu
kontrastaturik . Geroxeago erabiliko dituzte lehen adibideak . M .
haurraren korpusean gauzak nahasitxoago daudela iruditzen zaigu .
Alde batetik, eta 5 .17 . taulari begiratzen badiogu, badirudi M .
haurrak 1 ;o9 ;o4 adinaz aspektu burutua (birritan) eta ez-burutua
(behin) desberdintzen dituela . Baina hurrengo grabaketan ez da
halakorik agertzen . Gainera, 1 ;o9 ;o4 adineko adibide kontrastatu
bakar hau apur bat arakatu ezkero, lehenago ere esan dugunez, ez
dago hain argi aspektu ez-burutuaren erabilera denik .
Ikus ditzagun M . haurrak 1 ;o9 ;o4 grabaketan ekoizten dituen halako
adibide guztiak :
(144) kendu(eg)in da (M . 1 ;o9 ;o4)
(145) ezin, jausi (eg)in da (M . 1 ;o9 ;o4)
(146) hau piten(ipintzen) da (M . 1 ;o9 ;o4)
(146) adibidean M . haurrak ustez darabilen aspektu burutugabea edo
ez-perfektua, ez dago hain argi . Badirudi hori diola, baina
dudarentzat ere atea zabalik utz daiteke . Guk, adibide bakar eta
zalantzazko hau ikusirik, ez dugu aditz-aspektu ezberdinak
erabiltzen hasi dela esango .
7 .2 .4 . MODU-ADIZKIAK
Argi gera bedi modu-adizkiez ari garenean, besterik ez diogun
bitartean, indikatibo-moduko adizkiez gain, ahalera-modua