Haur euskaldunen hizkuntzaren jabekuntza-garapena ... - Euskara

373
baitute . Jokabide bikoitza haur elebakarrarengan baino ez dugula
ikusi zehaztu behar dugu, alabaina .
Bestalde, 'bai' baieztapen-partikulaz jokabide bera derakusatela
esan dezakegu .
7 .2 .6 . MENDERAGAILUEN ERABILERA
Hiru haurren ekoizpenei so eginik, hirurotan mendeko perpaus
denboragabeko adizki jokatugabeei eransten zaizkien menderagailuak
('-ta', ' -tzen', ' -tzeko', . . .) mendeko perpaus denboraduneko
adizki jokatuei eransten zaizkien konplementagailuak ('-en', ' -
ela', . . .) baino lehenago agertzen direla ikus dezakegu .
Adizki jokatugabeei itsasten zaizkien menderagailuen artean, '-ta'
menderagailua da erabiltzen duten lehena . Apika, berau arlo
honetako eragingarritzat ere jo dezakegu . M . haurrarengan ikus
ditzakegun lehen ekoizpenak, alabaina, ez dira aro honetakoak,
beranduagokoak baino .
Hona hemen lehen ekoizpenak haurrez haur :
(193) konponduta (0 . 2 ;00 ;o5)
(194) zapatak kenduta (0 . 2 ;oo ;o5)
(195) Asunek eka(rr)ita (0 . 2 ;ol ;19)
(196) zuk eka(rr)ita (0 . 2 ;ol ;19)
(197) hori eba(g)ita (0 . 2 ;ol ;19)
(198) o(ra)in hori apu(r)tuta (0 . 2 ;o2 ;oo)
(199) belarra eba(g)iten honekin (0 . 2 ;o2 ;oo)
(200) dana da(g)o apu(r)tute 14 (M . 2 ;o2 ;11)
(201) be(s)tie da(g)o apu(r)tute (M . 2 ;o2 ;11)
(202) apu(r)tuta (birritan) (P . 2 ;o3 ;12)
Bigarren aro honetan M . haurrak menderagailurik ekoizten duen
frogarik ez dugun arren, beste haur biek badarabiltzate '-ta'
delako menderagailua, eta aroaren azkenean, 0 . haurrak ' -tzen'
delakoa ere bai .
Guzti honexegatik, '-ta' menderagailuaren erabilera baino ez dugu
argi, eta agian esan daiteke beraren menderagailutasuna ez dagoela
hain argi, hots, haurrek beharbada '-ta' partikula aditz-lagunak
egiteko atzizkitzat hartu dutela . Baliteke, beste barik, aditzlagunen
aurrean egotea, beraz . Alabaina, 0 . haurrak sarritan
14 Ohar honen bidez birgogorazi nahi dugu adibide hau ez dela bigarren arokoa, hirugarrenekoa baino . Gauza
bera esan dezakegu hurrengo adibideaz .