Haur euskaldunen hizkuntzaren jabekuntza-garapena ... - Euskara

151
Izen mailegatu hauekin burutzen duen joera honek zer ikusi handia
du, gure ustez behintzat, haur honek entzuten duen inputarekin .
Sarritan, direlako hitzak, berarekin jolasten edo hitz egiten ari
den mintzaide helduak ere era berean ekoizten baititu, hots, '-a'
artikulurik gabe, inolako mugatzailerik gabe . Arrazoia, beraz,
gure ustez, faktore soziolinguistikoetan bilatu beharko genuke .
Hona hemen mintzaide helduen adibide batzu . Adibide bietan haurra
mintzaide helduren bategaz dihardu :
1 ;o9 ;o4 grabaketan mintzaide heldua eta M . haurra ari dira
berbetan . Hona hemen elkarrizketa :
(276) Mintzaidea : Bi falta die?
M . : Bettie(bestea) .
Mintzaidea : Zer?
M .ek usin egiten du .
Mintzaidea : Jesus!
M . : Mokos .
Mintzaidea : Mokos? la painuelue nun da(g)oen? Itxoin!
Ointxe ekarriko dot, amantalien itxi dogu ta .
Aurrekoa baino argigarriagoa izan daiteke 1 ;o9 ;22 adineko
grabaketako beste adibide hau . Hemen ere, mintzaide heldua eta M .
haurra berbetan ari dira :
(277) Mintzaidea : Beitu! Zer da hau? Sague?
M . : Sabue .
Mintzaidea : Sague .
M . : Um!
Mintzaidea : Beitu! Karakol M .! Bai!
M . : ako?
Mintzaidea : Bai .
Horrez gain, '-a' artikulu gabeko lehen ekoizpen zuzenak, arauak
eskatzen duenez, 1 ;o9 ;22 adineko grabaketan aurkitu ditugu .
Adibidez :
(278) beste bat hartu (M . 1 ;o9 ;22)
Hemendik aurrera, sintagmen mugaketa beste mugatzaileren bidez ere
burutzen du .
Bestalde, Absolutu kasuaz buruturiko bi gramatika-funtzioak,
Subjektuarena eta Osagarri Zuzenarena, hain zuzen, 1 ;o9 ;o4 eta
1 ;o9 ;22 adineko grabaketetan aurkitu ditugu :