Haur euskaldunen hizkuntzaren jabekuntza-garapena ... - Euskara

Ortiz de Urbinaren (1987a :324,5,6) ustetan arazoa ez dago argi .
Berarentzat, mendeko ordena ez-markatua Aditza azkenean doanenan
da . Konplementagailuak KONP kategoriakoak dira eta KONP '' -en buru,
beraz . Horrez gain, eransgarriak dira . KONP INFL-en ezkerrean
agertzen da, eta Azaleko egituran 'denbora' osagaiari atxikitzen
zaio (geroago ikusiko dugunez INFL-ek, besteak beste, bi osagai
ditu, KMZ(komunztadura) eta Denbora) . Berarentzat,
konplementagailuak eskuman agertzeak ez du inolako arazorik
sortzen, mendeko perpausetako 'aditza-azkenekoa' ordenaren
ondorioa baita . Arazoa, berarentzat, 'ea', 'ezen', 'zeren' eta
halakoak lirateke . Zer ote? Konplementagailuak ote? Rebuschi-k
(1982 :340) eta Goenagak (1985b :506) bezalaxe, erantzun barik uzten
du arazoa .
Halere, Ortiz de Urbinak (1990 :399) Lakaren bidea -KONP-en
egongunea eskuman dela dionean- onartzen duela dirudi, eta ezezko
perpausetako konplementagailu desberdinen (' -(e)la' eta ' -(e)n'
hain zuzen) agertze desberdina dela eta (lehenengoa ezkerrean,
aditzaren aurrean, eta bigarrena eskuman, aditzaren ostean) zera
dio : ' -(e)la' konplementagailua semantikoki hutsa dela, eta
horregatik, beraren egotea azalako egituran garrantzia gabekoa
izanez, ez diola INFL-erako mugimenduari eragiten . Badirudi,
beraz, eskuma jotzen duela konplementagailuen agertze-tokitzat .
Bestalde, Ortiz de Urbinarentzat (1987d) eta Goenagarentzat (1991)
mendeko perpaus denboragabeetako atzizkiak INFL-en barnekoak dira .
Horrela, Ortiz de Urbinarentzat, ' -t(z)e' bezalako atzizkiak
INFL-en sortzen diren bitartean, berariei atxikitzen zaizkien
kasu-markak KONP-en daudela onartzen du 5 . Goenagarentzat (1991),
aitzitik, mendeko perpaus denboragabeetako atzizki osoak INFL-en
daudela dirudi .
Guri dagokigunez, menderagailuen artean mendeko perpaus
denboragabeei ala denboradunei eransten zaizkien atzizkiak berezi
egin beharko ditugu, lehenengoak, dirudienez, INFL-en sortzen
diren bitartean, bigarrenak KONP-en sortzen dira eta .
2 .8 . INFL-EN EZAUGARRIAK
39
Kasu-ezarketaz teoria estandarrean kasu-ezarleak kasu-hartzailea
gobernatu egin behar duela esaten da, eta bi kasu-ezarle direla .
INFL-eko KMZ-k subjektuari ematen dio kasua, eta Aditzak bere
osagarriei :
(59) I''
Iz'' I'
A'' INFL
Iz'' A KMZ
5 Hau onartzerakoan, Ortiz de Urbinak, Goenagak (1985) esandakoa onartzen duela dio .