Haur euskaldunen hizkuntzaren jabekuntza-garapena ... - Euskara

63
LAUGARREN ATALA :_KORPUSA ETA LANERAKO METODOLOGIA OROKORRA
Aurreko atalean aurkeztu ditugun hipotesien azterketari ekin baino
lehenago, beharrezkotzat jotzen dugu ikertuko dugun korpusa zein
den erakustea . Gainera, korpusa aurkezteaz batera, korpus hori
biltzeko erabili dugun metodologia ere azaltzea beharrezkotzat
jotzen dugu . Atal honen amaieran, hizkuntza-unitateen aukeraketa
egiterakoan zertan oinarritu garen ere adieraziko dugu .
4 .1 . AZTERTUTAKO HAURRAK
Ikerketa honetan hiru haur euskaldunek ekoitzitako hizkera
aztertuko dugu . Haurretariko bat, 0 . 1 deituko duguna, elebakarra
da . Beste haur biak, M . eta P . deituko ditugunak, ostera, euskaragaztelania
elebidunak dira .
0 . haur elebakarra 1986 .eko Azaroan jaio zen Bizkaiko Berriz
herrian . Beraren gurasoak euskaldunak dira eta euskaraz hitz
egiten dute euren artean . Ama irakaslea da ikastola baten . Aita
ere irakaslea da euskaraz iraskasten den Ikastetxe baten . Guraso
biak euskaraz egiten dute euren artean . Horretarako bizkaieraren
Durangaldeko azpieuskalkia darabilte, baina euskara estandarraren
eragin handia dutelarik . Haur elebakar honek badu 1983 . urtean
jaiotako anaia nagusia, elebakartzat jo genezakeena haurrak 3 urte
bete zituen arte . Bi anaien berbazko komunikazio osoa euskaraz
gertatzen da . Gurasoek etxetik kanpo lan egiten dutenez,
jaiotzetik neska-zaintzaile bat eduki du haur honek . Zaintzaile
honek euskaraz hitz egiten dio haurrari, bizkaieraz, hain zuzen .
Horrez gain, haur honen senide-harreman guztiak, edo ia guztiak,
euskaraz gauzatu izan dira, hiru urte bete arte behintzat . Adin
bereko beste haurrekiko harremanak ere euskaraz burutu ditu .
Komenigarria deritzogu aztertuko dugun M . haurragaz sarritan
jostatu dela esateari . Haur bi hauek burutzen dituzten berbazko
harremanak euskaraz dira beti .
Bestalde, haur honek eskolaratzea 2 ;102 adina zeukala hasi zuen .
Adin horretaz inguruko ikastola baten burutu zuen bere
eskolaratzea, euskarazko ereduan, noski .
Gaztelaniarekiko beraren harremanak 3 urte zituenean hasi zituen .
Aide batetik, beraren aitita gaztelaniaz hitz egiten hasi
zitzaion . Bestetik, ikastolan haur erdaldunak ezagutu zituen .
Guzti honi, beharbada, erdal telebistako marrazki bizidunen
ikusketa gaineratu beharko genioke .
M . haur elebiduna ere Berrizen jaio zen 1986 .eko Abenduan . Haur
honen ama euskalduna den bitartean, aita gaztelaniaduna da . Ama
1 Haurren benetako izenen ordez 0 ., M . eta P . hizkiak erabiltzea erabaki dugu .
2 Haurren urteak eta hileak adierazterakoan, ohizkoa denez, horrelaxe adieraziko dugu : urteak ;hileak . Egunak
ere erants diezazkiogu .