1rzZ1XN

2. Adberbioa
Horietako batzuk adizlagun batetik datozenak dira, erabileraren erabileraz
aditzondo gisa finkatuak. Antza berriz, antza denez esalditik edo datorrela
dirudi:
(343) Gaur etorri da, antza (denez)
Badira, baitare, gisa honetako esaera adberbialak: beharbada, dudarik gabe,
agi denean .., agi denez, badaezpada, inola ere (ez moduzkoa)...
Hemen sartuko lirateke baitare noski, jakina eta antzekoak. Dena den hain
zuzen, behintzat eta horrelako beste batzuk hobeto sartzen dira ondoren ikusiko
ditugun ilatibo eta partikulen sailean.
2.2.3. Aditzaren ondoko bestelako hitzak
2.2.3.1. Aurreko sailetan leku erosoa ez duten hitzak eta partikulak ere
badira, hau da, aditzaren ingurukoak izan arren, adizlagun gisa erraz azaldu
ezin daitezkeenak. Horrelakoak ditugu, besteak beste, behintzat eta antzekoak,
ere, omen eta kidekoak, bailez...
2.2.3.2. Behintzat, behinik behin, edola bere, bederen, bederik, gutxienez
eta antzekoek modu edo eritzi kutsuren bat agertzen badute ere, hori baino
areago kontraste jakin bat adierazteko erabiltzen direla dirudi. Aurretik
aipaturiko edo hiztunak, gehiegi zehaztu gabe beharbada, gogoan hartutako
zerbaiti buruzko kontrastea adierazten dute, hain zuzen, hitz horiek:
(344) (a) Ni bchintzat ez noa
(b) Aurrcna. bcintzat. artoak egin ditzagun (Ganncndia.64)
Bigarren adibidean badirudi hiztunaren gogoan honako zerbait dagoela: gero
gerokoak, baina aurrena behintzat. o. Eta lehenbiziko esaldian: besteak ez dakit,
baina ni belúntzat... Aurkatasun lotura bat salatzen dute, beraz, hitz hauek
aurretik aipatutako edo suposaturiko zerbaiten eta esaldian esaten denaren
artean. Eta modu-eritzi kutsuan aditzondoen antza baldin badute, lotura honetan
juntagailuen itxura zerbait ere badute.
341