Poiàn el so dialeto - Gruppo Giovani Povegliano

POIÀN EL SO DIALETO 111
stupaa con la tera o con le boase. Ala porta da egnar drento, se ghera i
caaléri, i ghe tacaa ía na querta parché non vegnesse aria verso la peagná;
parea de vivar sempre con on morto en casa al scuro o na luceta empissá.
I se cantaa anca la pelatina se la ghe olea par pelar la foia, el contrato
l’era per quaranta giorni fin che i dormea, da l’ultima, sti caaléri i scomissiaa
a égnar grossi e i tacaa a magnar, alora ómeni e dóne a pelar la foia, el
saco ligá en sentura e su par i morari col caaleto a pelar so la foia da tuti i
morari, ogni giorno, i saéa quanta foia ghe oléa.
Fin che iera picoli i ghe taiaa con la taiadora, envese quando iera grossi
i magnaa anca qualche pampano, la foia la ghe olea sempre fresca, alora
i le destendea nei loghi e nele cámare parché non la se scaldasse.
Le dóne le ghe fasea i so pasti e i caaléri i magnaa giorno e note come i
butini.
Ogni oto giorni ghera da cambiarghe el leto e alora i se slargaa parché i
cressea, i ghea anca da dormir dú giorni ala settimana e quando i se desmessiaa
i ghea piassé fame.
Le dóne ala festa, drio andar a messa, le se contaa longo la strada come
le ghea i caaléri, le olea èrgheli una meo del’altra: a una i ghe dormea, al’altra
i ghe magnaa.
Quando i ghe dormea dal’ultima dormida che el sono l’era piassé longo
del solito, le tiraa on po el fiá, però quando i se desmessiaa, i magnaa de
furia, alora alé sgrombialé de foie, se anca le ghea qualche rameto tacá i
magnaa tuto, non i ghe tegnea gnanca drio a darghela, quando ghe nera
tanti.
Sta magnada la duraa oto giorni, dopo i se chietaa, alora l’era ora de métarghe
su le fascine fate a posta con legna lisera, frusce e sparasine, quele
ie preparaa i ómeni quando pioéa.
Pensando che i caaléri ié messi ía, l’era el dito de na olta, intanto lori ié
drio a far la galeta, i nasea su par ste fascine sti vermi bianchi e grossi come
na dielina, i scomessiaa a tirar i fii atorno a se stesi e i se seraa dentro
e non i se edea pí.
La peralina la nasea a casa parché i caaléri non i magnaa pí, quando i
endea le galete alora i le pagaa quel che iea combiná, intanto ghe pensaa
le dóne a guardar i caaléri che non i nesse en tera, ma parché non i se copesse
i ghe metéa la paia atorno ala peagná e alora i nasea ensima a quela
e non i se fasea gnente.
Da quando iea fenío de far la galeta ie lassaa a ponsar oto, diese giorni
e dopo ghera da sgaletar, en grombiál de saco sui denoci e na fascina ala
olta a tirar so le galete, quele bone nel sesto, le faloppe sula carta, quele
smarse le spusaa nel canton.
Se pioéa ghe giutaa anca i ómeni: uno par parte ala fascina, i fasea presto
a finirla.
Quando savea fenío de sgaletar i metea le galete nel nissol de saco, ie ligaa
e via sul careto par portarle a far secar par dopo endarle e ciapar i
schei par pagar l’afito.
Ghera anca quei che ghe da comprar la foia e ghe olea el mediator che