Skólaskýrsla 1995 - Verzlunarskóli Íslands

1. Á tímabilinu 1100-1500 runnu ýmis sérhljóð saman í íslensku og mynduðu ný hljóð.
Gerið nákvæma grein fyrir þremur slíkum breytingum. Skýrið einnig hvernig hljóðin,
sem runnu saman, höfðu áður orðið til ef ekki er um frumhljóð að ræða.
2. Hvaða meiriháttar breyting verður á sérhljóðakerfinu á 15. öld og fyrri hluta 16. aldar
Skýrið hana vel og nefnið dæmi.
3. Orðin rönd, stofa og skæri urðu til við hljóðvörp. Af hvaða hljóðum mynduðust
stofnsérhljóðin og hvað nefnast hljóðvörpin
4. Nefnið allar breytingar sem hafa orðið í eftirtöldum orðum:
a) wurm > orm(ur)
Býolfr > Bjólfur
einkja > ekkja
Sýnið skyldleika:
b) fela - fylgsni
gjafir - gæfa
EDDUKVÆÐI, GOÐAFRÆÐI OG BÓKMENNTASAGA FYRRI ALDA.
5. Varð af þeim meiði,
er mær sýndist,
harmflaug hættleg,
Höður nam skjóta.
Baldurs bróðir var
um borinn snemma,
sá nam Óðins sonur
einnættur vega.
a) Takið síðari hluta vísunnar saman og greinið frá aðdraganda þess atburðar sem
hér um ræðir.
b) Útskýrið feitletruðu orðin mjög vel og segið frá þeirri persónu sem um er rætt í
síðari hluta vísunnar.
c) Höfundur Völuspár leggur siðferðilegt mat á gerðir goða og manna. Fjallið um
siðferðisboðskap kvæðisins og nefnið dæmi máli ykkar til stuðnings.
d) Hvað nefnist bragarháttur Völuspár Hver eru helstu einkenni hans
6. Fjár síns,
er fengið hefir,
skyli-t maður þörf þola;
oft sparir leiðum,
það er hefir ljúfum hugað,
margt gengur verr en varir.
a) Endursegið vísuna þannig að efni hennar komi vel fram.
b) Fjallið um þá lífsskoðun sem einkennir Gestaþátt Hávamála og greinið frá því úr
hvers konar samfélagi kvæðið virðist sprottið.
7. Sigrún Högnadóttir og Guðrún Gjúkadóttir stóðu að vissu leyti í svipuðum sporum á
örlagastundu. Lýsið þeim hvorri um sig og berið saman viðbrögð þeirra við dauða
ættmenna sinna.
8. Er Fenrisúlfur hafði leyst sig úr læðingi og drepið sig úr dróma reyndu æsirnir þriðja
fjöturinn er hélt honum í skefjum allt til ragnaraka.
112