Skólaskýrsla 1995 - Verzlunarskóli Íslands

V. bekkur val:
Námsgögn: Eso Sí 1, lesbók, vinnubók og hljómsnældur.
Markmið: Byrjendanámskeið með áherslu á að skilja og nota spænsku við hversdagsleg
tilefni og læra undirstöðuatriði í spænskri málfræði.
Námsefni: Lestextar, talæfingar og skriflegar æfingar. Lögð var áhersla á að byggja upp og
þjálfa orðaforða, málfræðiþekkingu og framburð. Heimaverkefni voru fyrir hvern einstakan
kafla. Kenndar voru 3 kennslustundir í viku og vorpróf var skriflegt.
VI. bekkur val:
Námsgögn: Eso Sí 1, lesbók, vinnubók og hljómsnældur. Eso Sí 2, lesbók, vinnubók og
hljómsnældur.
Markmið: Framhaldsnámskeið, með megináherslu á samtalsæfingar og aukinn orðaforða.
Nemendur öðlist þokkalega leikni og þekkingu til að bjarga sér í spænsku-mælandi landi.
Lokið við að kenna grundvallaratriði málfræðinnar.
Námsefni: Lestextar, talæfingar og skriflegar æfingar. Byrjað á nýrri lestrarbók. Léttir
leskaflar af menningarlegum toga lesnir og verkefni tengd þeim leyst. Æfingar með orðabók
til að auka orðaforða, lestrarbók lögð til grundvallar. Kenndar voru 4 kennslustundir í viku
og vorpróf var skriflegt og munnlegt.
Stjórnun
VI. bekkur verslunarmenntabraut:
Farið er yfir grunnhugtök og kenningar í stjórnun. Útskýrt er hvernig þjóðfélagsbreytingar
hafa gert það að verkum að menn leggja nú meiri áherslu á stjórnun en áður. Leitast er við að
veita nemendum innsýn í störf stjórnenda og kynna þeim ýmiss konar verkefni sem þeir inna
af hendi. Farið er í stjórnunarferlið, mismunandi gerðir stjórnskipulaga, setningu markmiða,
áætlanagerð og upplýsingastreymi.
Mikil áhersla er lögð á að upplýsa nemendur um samspilið á milli stjórnunar og samstarfs.
Nemendur vinna að mótun viðskiptahugmyndar frá upphafi til handbókar, sem inniheldur
flestallar upplýsingar um rekstrarlegar forsendur þess fyrirtækis, sem unnið er að. Verkefnið
tekur í vinnslu allan veturinn og er skilað í handbókarformi til kennara í upphafi síðasta
kennslumánaðar vetrarins. Lokapróf að vori er úr öllu námsefni vetrarins.
Stærðfræði
III. bekkur:
Bækur: STÆ 122 og STÆ 102 eftir Jón Hafstein Jónsson, Níels Karlsson og Stefán Jónsson.
Prósentu- og vaxtareikningur eftir Baldur Sveinsson.
Námsefni: Talnareikningur, rúmfræði (m.a. hornaföll) prósentu- og vaxtareikningur,
bókstafareikningur, jöfnur af fyrsta og öðru stigi, algildi, veldi, rætur, jafna beinnar línu.
IV. bekkur almennur:
Bækur: STÆ 122 og STÆ 202 eftir Jón Hafstein Jónsson, Níels Karlsson og Stefán Jónsson.
STÆ 373 eftir Svövu Þorsteinsdóttur og Jón Hafstein Jónsson.
Námsefni: Bókstafareikningur, veldi, rætur, annarsstigs jafnan og annarsstigs margliðan,
ferlateikningar (fleygbogar og hringir), veldi, rætur, hornaföll, hornafallajöfnur, hnitakerfið,
hnitareikningur, vektorar.
IV. bekkur stærðfræðibraut:
34