Skólaskýrsla 1995 - Verzlunarskóli Íslands

Hver getur ratað eftir slíkri leiðarlýsingu Varla nokkur maður. Ekki aðeins þarf að
muna og skilja lýsinguna, heldur þarf hún líka að vera rétt, sem sjaldnast er og stundum er
maður sendur í alveg þveröfuga átt við þá sem ætlunin var að fara í.
Til þess að rata þarf að hafa eitthvað háleitara viðmið en næsta götuhorn. Eitthvað sem
stendur upp úr. Eitthvað sem sést langt að þannig að ekki þurfi að spyrjast fyrir á hverjum
krossgötum, sérstaklega þar sem ekki er víst að við skiljum fólkið á götunni í erlendum
borgum.
Á liðnum öldum hafa helstu andans menn mannkynsins reynt að kortleggja lífið svo
aðrir ættu auðveldara með að rata þar um. Við hér í Verzlunarskólanum höfum kennt ykkur
að lesa og nota sum þessara korta. Áttaviti er gagnlegt áhald, en sól og tími eru óbrigðul.
Þannig skuluð þið fara að í lífinu. Hugsið um aðalatriðin og missið ekki sjónar á hinum
háleitu markmiðum ykkar.
Lifið lífinu til góðs, bæði fyrir aðra og ykkur sjálf. Leggið rækt við hin klassísku
manngildi, siðferði, traust og ábyrgð. Munið að enginn verður upphafinn af sjálfum sér. Þau
tækifæri sem þið fáið í lífinu hafa verið sköpuð af öðrum. Einhverjum öðrum sem hafa viljað
sýna ykkur velvild. Munið að endurgjaldið fyrir velvild er þakklæti. Sýnið þakklæti og þá
öðlist þið enn meiri velvilja.
Nú skulum við snúa okkur að þeim hluta þessarar athafnar, sem skemmtilegastur er, en
það er að afhenda verðlaun.
Verðlaun og viðurkenningar
Verðlaun Verslunarráðs Íslands.
Fyrir bestan árangur í viðskiptagreinum á stúdentsprófi, þ.e. í bókfærslu, reksturshagfræði og
þjóðhagfræði:
Ragnar Jónasson, 6-X
Fyrir hæstu aðaleinkunn á verslunarmenntaprófi:
Jónína Björk Erlingsdóttir, 6-P
Nú verða afhent verðlaun til nokkurra nemenda sem skarað hafa fram úr í námi. Það er
nokkuð misjafnt og tilviljanabundið hverjir fá verðlaun. Hætt er við að margur nemandinn,
sem verðlaun ætti skilið, fái enga viðurkenningu. En þannig er lífið og við því er ekkert að
gera annað en að klappa því duglegar fyrir hinum sem eitthvað fá. Þeir sem til verðlaunanna
stofnuðu á sínum tíma ákváðu þá hvernig þetta skyldi fara fram.
Og enn hefur bæst við í verðlaunasafnið. Útskrifarárgangur 1986 hefur stofnað
minningarsjóð um Jóhann Guðnason, sem brautskráðist héðan það ár. Fyrstu verðlaun þess
sjóðs verða afhent hér á eftir.
Minningarsjóður um dr. Jón Gíslason.
Peningaverðlaun kr. 10.000.- hljóta fyrir hæstu meðaltalseinkunn í erlendum tungumálum:
Þórunn Egilsdóttir, 6-L og
Ragnar Jónasson, 6-X
161