Skólaskýrsla 1995 - Verzlunarskóli Íslands

35. - 40. Setjið lesmerki og stóra stafi í eftirfarandi texta:
Bókmenntir.
Ert þú að halda því fram að læknarnir viti þetta ekki spyr mamma nei nei þeir
vita þetta jafnvel og ég og þú þeir vilja bara hafa þetta svona ég heyri að þú hafir
farið fram á kauphækkun segir mamma já og ég benti þeim bara á þessa staðreynd
og að launin væru alltof lág og ég krefðist úrbóta segir Ragnar en þeir notuðu
jólakökuna til að losna við mig Ragnar kveikir sér í sígarettu mamma leggur frá
sér prjónana stendur upp sækir kaffikönnuna og hellir í bollann hjá Ragnari en
meðan hún gengur með kaffikönnuna að eldavélinni blæs Ragnar frá sér
reykmekki og segir ég bara spyr síðan hvenær er það glæpur að gefa veikum
manni jólaköku
(Úr Englum alheimsins eftir Einar Má Guðmundsson)
41. - 44. Gerið í stuttu en skýru máli grein fyrir frásagnarhætti í sögunni Píus páfi
yfirgefur Vatíkanið. Hvernig er upplýsingum um ástand og persónur komið á
framfæri við lesanda
45. - 50. Í smásögunum Grimmd og Blátt tjald segir frá ungum drengjum sem verða fyrir
ólíkri lífsreynslu en virðast eiga sitthvað sameiginlegt. Bendið á hvernig
persónueinkennum þeirra svipar saman en gerið jafnframt grein fyrir
mismunandi aðstæðum þeirra tveggja.
Íslenska (Egils saga og Frásagnarlist fyrri alda)
1.-8. „Sagði Kveld-Úlfur að þá myndi þar til draga sem honum hafði fyrir boðað að
Þórólfur myndi eigi til alls endis gæfu til bera um vináttu Haralds konungs - og
þætti mér ekki mikils vert um félát þetta sem Þórólfur hefur misst ef ekki færi hér
hið meira eftir. Grunar mig enn sem fyrr að Þórólfur muni eigi ger kunna að sjá efni
sín við ofurefli slíkt sem hann á að skipta.”
a) Útskýrið feitletruð orð og orðasambönd.
b) Við hvaða tækifæri mælti Kveld-Úlfur þessi orð
c) Greinið í stuttu máli frá sambandi feðganna, Kveld-Úlfs og Þórólfs.
d) Bendið á frásagnareinkenni í þessum kafla sem setur mjög mark sitt á Egils
sögu og aðrar Íslendinga sögur.
9.-12. Rökstyðjið eftirfarandi með tilvísun í söguna:
a) Skáld nutu mikillar virðingar hjá konungum.
b) Gunnhildur drottning er fjölkunnug (göldrótt).
c) Fégirnd Egils hefur alvarlegar afleiðingar fyrir besta vin hans.
d) Atleyjarför Egils veldur stefnubreytingu hjá Þórólfi, bróður hans.
13.-17. Segið frá síðasta viðskilnaði feðganna Egils og Skallagríms. Hvaða ályktanir má
draga af honum um samband þeirra
18.-21. Segið frá tveimur gerólíkum hliðum sem Egill sýndi á sér hjá gestgjöfum sínum á
leiðinni til Vermalands og vitna um andstæð öfl í fari hans.
53