Skólaskýrsla 1995 - Verzlunarskóli Íslands

Kennsla í hverjum bekk skal fara fram í þeirri kennslustofu og á þeim tíma sem
stundaskrá kveður á um og er ekki heimilt að víkja frá því nema gerð sé formleg breyting á
stundaskrá.
Enn fremur rifja ég upp að Blái salurinn, þ.e. sá salur þar sem skólastjóri stendur nú, er
hátíðarsalur skólans. Hingað inn má aldrei fara með gosdrykki eða matvæli.
Skrifstofa skólastjóra stendur nemendum jafnan opin ef um eitthvert vandamál er að
ræða. Hér hafa samskipti manna jafnan verið góð og vinsamleg og er mikilvægt að svo verði
áfram. Sérstaklega vil ég benda á auglýsingu um viðtalstíma námsráðgjafa og að
námsráðgjafi er til viðtals um öll mannleg vandamál.
Við sem störfum hjá Verzlunarskóla Íslands lítum á það sem hlutverk okkar að láta
ykkur nemendum í té alla þá aðstoð og aðstöðu til náms sem í okkar valdi stendur. Ég veit
hins vegar að nemendur skilja vel að við getum ekki gert hið ómögulega. Við kennum
einungis þeim sem læra sjálfir.
Góðir nemendur!
Ég óska ykkur alls góðs á komandi vetri.
Verzlunarskóli Íslands er settur.
23