Skólaskýrsla 1995 - Verzlunarskóli Íslands

uppbyggingu fyrir tölvukennslu eingöngu heldur fyrir Verzlunarskólann allan og það nám
sem þar fer fram.
Athygli kennara víða um heim beinist nú í vaxandi mæli að því með hvaða hætti slík
uppbygging geti orðið. Við hér í Verzlunarskólanum höfum einstæða aðstöðu til þess að vera
þar í forystusveit og þróa aðferðir til þess að efla kennslu í tungumálum, viðskipta- og
raungreinum með aðstoð tölva og tölvuforrita og tölvuvæddum upplýsingabanka. Bókasafn
skólans mun fylgja þessari þróun eftir og það hefur fengið nýjar margmiðlunartölvur til
afnota.
Kæru nemendur!
Mannshugurinn er merkilegt fyrirbæri. Um margt minnir hann á leir. Á meðan hann er
ungur er hægt að hnoða hann, móta og mynda í margvíslegu formi. Á meðan þið eruð ung er
hægt að þjálfa minni ykkar, skerpa rökhugsunina, bæta siðferðisvitund og efla andlegan
þroska.
Þegar þið eldist tapast aðlögunarhæfni ykkar og námsgeta minnkar líkt og leir sem
verður harður og brotgjarn með aldrinum, einkum ef hann liggur ónotaður.
Þið eruð ung nemendur góðir. Við þessi gömlu erum hér til þess að þjálfa ykkur og
bæta. Það er okkar köllun að gera úr ykkur mikilmenni og snillinga, en þó umfram allt
viljum við gera úr ykkur venjulegt fólk.
Fólk sem er jákvætt, skemmtilegt og hæfileikaríkt. Fólk sem getur séð sjálfu sér
farborða og stjórnað sjálfu sér a.m.k. og helst öðrum einnig. Sum ykkar eiga e.t.v. eftir að
stjórna allri þjóðinni og það eru bæði gömul sannindi og ný að enginn getur stjórnað öðrum
nema hann hafi sjálfur áður lært að hlýða. Besti undirbúningurinn fyrir æðstu störf er dýpsta
auðmýkt.
Dramb og hroki fella marga en hjálpa engum.
Eitt er þó mikilvægast af öllu ef þið viljið læra og það er að mæta kennurum ykkar með
jákvæðum huga. Að kenna er að komast inn í huga nemandans. Sá nemandi sem lokar huga
sínum er að hafna kennslu og varla er það tilgangurinn með komu ykkar.
Nokkur breyting hefur orðið á kennaraliði skólans. Ragna Kemp Guðmundsdóttir
þýskukennari, sem verið hefur í leyfi, kemur nú aftur til starfa en Marion Wiechert er í
barnsburðarleyfi. Þorbjörg Friðriksdóttir lét af störfum á síðasta vetri en Hella Willig hefur
verið ráðin þýskukennari.
Björk Ragnarsdóttir, sem kennt hefur áður, kemur nú aftur og kennir tölvufræði í stað
Dísu Anderiman sem er í leyfi.
Jón H. Sigurðsson verður í leyfi frá kennslu í vetur og í hans stað kemur Selma
Káradóttir og kennir efnafræðina.
María Jóhanna Lárusdóttir hefur fengið orlof þetta árið og kennir því ekki íslensku.
Bessí Jóhannsdóttir hefur hætt kennslu í sögu en Gísli Þorsteinsson hefur verið ráðinn
nýr kennari.
Magnús Eðvald Björnsson og Marta María Oddsdóttir, sem kenndu stærðfræði á
liðnum vetri, hafa látið af störfum. Guðmundur Freyr Úlfarsson, sem útskrifaðist héðan fyrir
fimm árum mun kenna í þeirra stað, sem og Hrönn Pálsdóttir, sem bæði mun kenna
stærðfræði og hagfræði. Jón Hafsteinn Jónsson hefur nú kosið að láta af kennslu, vegna
aldurs en skólinn missir hann þó ekki að fullu, því hann mun áfram vinna að uppbyggingu
náms við skólann. Sömuleiðis mun Þórunn Felixdóttir láta af kennslu en hún mun starfa
áfram sem námsráðgjafi.
21