Skólaskýrsla 1995 - Verzlunarskóli Íslands

V. bekkur val.
Námsefni: Nemendum er kennd undirstaða forritunar. Forritunarumhverfi eru Microsoft
Access 7.0 gagnasafnskerfi og Visual Basic 4.0 gluggaumhverfi, þar sem bætast við
sérhæfðar forritunarskipanir fyrir hvort umhverfi fyrir sig.
Í lokaverkefni er sett upp tenging við Access úr Visual Basic, þannig að notendaviðmót er
hannað í Visual Basic, en gögnin geymd í töflu í Access.
Farið er í hvernig á að nálgast vefsíður með vefskoðara. Einnig kennt að nota leitarvélar til að
nálgast upplýsingar á netinu og farið í vefsíðugerð. Við vefsíðugerð er ritþórinn Notepad
notaður.
Námsgögn: Fjölrit og verkefni frá kennara.
Upplýsingafræði
Nemendum er kennt að nota alla þætti Internetsins til samskipta og upplýsingaöflunar: telnet,
ftp, archie, e-mail, gopher og www. Nemendur gera heimildaleitir á netinu og setja upp
einfalda heimasíðu.
Gerð er grein fyrir helstu gerðum bókasafna og þeirri starfsemi sem þar fer fram. Farið er í
heimsókn á almenningsbókasafn, skólabókasafn og sérfræðisafn og skoðuð sú starfsemi sem
þar fer fram.
Fjallað er um helstu upplýsingalindir um viskiptalíf á Íslandi; jafnt í prentuðu máli, á
tölvutæku formi og með viðtölum við fólk. Nemendur vinna tvö rannsóknarverkefni á því
sviði, annað um fyrirtæki, sem þeim er úthlutað, og hitt um markaðssvið að eigin vali. Þeir
flytja stutt erindi um niðurstöður athugana og lögð er áhersla á fagmannleg vinnubrögð
varðandi framkomu, glærunotkun og framsetningu gagna í töflum og línuritum.
Verslunarfræði
V. bekkur verslunarmenntabraut:
Verktakafræði (haustönn):
Í kennslunni er farið í verkefni sem tengjast rekstri fyrirtækja. Kennslan miðar að því að gefa
nemendum kost á að kynnast þeim vandamálum sem stjórnendur eiga við að glíma í
daglegum rekstri, svo sem að meta viðskiptahugmyndir og markaðsforsendur, gera
söluáætlanir, reikna út tilboð og meta þau, gera verksamninga, kostnaðarútreikninga og
áætlanir. Íslenskur staðall við gerð útboða og samninga er lesinn og notaður í kennslunni.
Fjallað er um tengsl fyrirtækja við opinberar stofnanir, sjóðakerfið, bankakerfið,
fjárfestingalánasjóði, tryggingafélög og endurskoðendur. Mikil áhersla er lögð á
verkefnavinnu nemenda í þessari grein og regluleg verkefnaskil. Námskeiðinu lýkur um jól
með lokaprófi.
Sölu- og markaðsfræði (vorönn):
Í kennslunni er farið yfir grundvallarhugtök sem tengjast sölu- og markaðsfræði og fjallað um
hvernig hugmyndafræðin er notuð til að markaðssetja vörur og þjónustu. Farið er yfir gerð
söluáætlana og eftirlit með þeim, grundvallaratriði markaðsrannsókna og gerð
skoðanakannana kynnt. Skipulagning söluherferða og verkefni unnin í því sambandi.
Námskeiðinu lýkur að vori með lokaprófi.
38