Skólaskýrsla 1995 - Verzlunarskóli Íslands

Riðstraumsfræði. Riðstraumur og riðspenna. Virk gildi straums og spennu. Straumur og
spenna í hreinni raunviðnámsrás, spanviðnámsrás og rýmdarviðnámsrás. Riðstraumsrás með
spólu, mótstöðu og þétti, síur. Afl í riðstraumsrásum. Spennubreytar.
Hreinar sveiflur. Lýst er stærðfræðilega hreinum sveiflum. Síðan er fjallað um
hreyfifræðina, þ.e. þá krafta sem valda sveiflunum. Tekin eru fyrir massi sem hangir í gormi
og pendúll. Einnig er fjallað um LC, RL, RC og RCL rásir. Stillt er upp diffurjöfnum sem
síðan eru leystar fyrir hvert tilvik.
Takmarkaða afstæðiskenningin. Umskiptajöfnur Galíleis og Lorentz, frumsetning
afstæðiskenningarinnar, samtímahugtakið, orka og skriðþungi í afstæðiskenningunni.
Skammtaeðlisfræði. Undirstöðuatriði skammtaeðlisfræðinnar kynnt. Hefðbundin eðlisfræði
og skammtafræði, ljósröfun, agnir og bylgjueiginleikar, óvissulögmálið, skömmtun orku í
atómum.
Stjörnufræði. Fjallað stuttlega um sólkerfið, þar sem farið er í helstu þætti sólarinnar og
reikistjarnanna.
Stjarneðlisfræði. Geislunarlögmál, birta stjarnanna, litróf stjarnanna. Hertzsprung-Russellínuritið,
upphaf, þróun og endalok sólstjarna, hvítir dvergar, nýstirni, sprengistjörnur,
nifteindastjörnur, svarthol. Vetrarbrautin okkar. Heimsmyndunarfræði, rauðvik, lögmál
Hubbels, útvarpsvetrarbrautir, kvasar, mikli hvellur, alheimurinn.
Námsgögn. Eðlisfræði fyrir framhaldsskóla, Grunnbók 2 eftir Isnes, Nilsen og Sandås.
Riðstraumsfræði eftir Isnes og Nilsen. Hreinar sveiflur í afl- og rafmagnsfræði eftir Inga
Ólafsson og fjölritað efni frá kennara.
Eðlis- og efnafræði
V. bekkur hagfræði- og málabrautir:
Markmið: Að kynna nemendum undirstöðuatriði efnafræði, eðlisfræði og stjörnufræði sem
þátt í heimsmynd nútímans.
Námsefni: Gerð og eiginleikar atóma og sameinda, lotukerfið; efnahvörf og efnatengi;
almennir eiginleikar málma og málmleysingja; leysni efna og mólstyrkur; efnaformúlur,
efnajöfnur og nafngiftareglur; hreyfilögmál Newtons, þyngdarlögmálið og þyngdarfastinn;
geislavirk efni og kjarnorka; rafmagnsfræði, orka og orkulindir; orkulindir Íslands og nýting
þeirra; alheimurinn; sólkerfið.
Verklegar æfingar: Tveir tímar hálfsmánaðarlega.
Námsgögn: Almenn efnafræði I eftir Hafþór Guðmundsson, Eðlisfræði eftir Inga Ólafsson,
Jörðin og stjörnurnar eftir Lúðvík Gústafsson og Ólaf Halldórsson. Verklegar æfingar eftir
Ólaf Halldórsson.
Efnafræði
V. bekkur stærðfræðibraut:
Markmið: Að kynna nemendum undirstöðuatriði efnafræði sem þátt í heimsmynd nútímans,
og veita grunnþekkingu m.t.t. frekara náms á háskólastigi.
Námefni: Bygging atóma og lotukerfið; efnatengi, efnahvörf, oxun og afoxun,
nafngiftareglur; ástand efna, lausnir og gaslögmálin; sýrur og basar; orka og jafnvægi í
efnahvörfum; hraði efnahvarfa; lífræn efni; loft- og vatnsmengun; kjarnaefnafræði.
Verklegar æfingar. Tveir tímar hálfsmánaðarlega.
26