Skólaskýrsla 1995 - Verzlunarskóli Íslands

Slit verslunardeildar 1996
Formaður skólanefndar, kennarar, nemendur og aðrir góðir gestir!
Ég býð ykkur öll hjartanlega velkomin til þessarar hátíðarstundar þegar verslunardeild
Verzlunarskóla Íslands verður slitið að loknu 91. starfsári sínu.
Sérstaklega býð ég velkomna þá 199 nemendur 4. bekkjar, sem nú verða brautskráðir,
sem og tvo nemendur öldungadeildar, sem einnig útskrifast nú með verslunarpróf.
Það eru ánægjuleg forréttindi að mega rétta ungu fólki sigurlaun að loknu verki og við
það munum við skemmta okkur hér á eftir, ásamt því að kalla þá sem fram úr hafa skarað upp
á pall þar sem þeir fá afhent margvísleg verðlaun og viðurkenningar.
Það er venja að fara nokkrum orðum um starfið áður en lengra er haldið, þó að ekki sé
til annars en að glöggva sig á því hvort við, sem kennum og nemum við skólann, höfum náð
markmiðum hans og stefnum í þá átt sem við viljum fara í, eða hvort einhverju sé augljóslega
áfátt. Hér á eftir verður gerð grein fyrir úrslitum prófa 4. bekkjar en fyrst mun ég fara
nokkrum orðum um niðurstöður prófa í 3ja bekk.
Í þriðja bekk gengu 271 nemandi undir próf og hafa 216 þeirra nú staðist það með
fullnægjandi hætti og 24 nemendur til viðbótar eiga þess kost að þreyta endurtektarpróf. Nái
þeir allir prófum mun 4. bekkur næsta vetrar verða álíka stór og hann er nú, sem væri góður
árangur.
Fjórir nemendur 3. bekkjar fengu I. ágætiseinkunn og bið ég þá um að rísa úr sætum
þegar ég nefni þá svo við hin getum klappað þeim lof í lófa.
Stefán Karlsson 3-E I. ág.eink. 9,25
Úlf Viðar Nielsson 3-E " 9,15
Sara Sturludóttir 3-G " 9,12
Helga Harðardóttir 3-J " 9,06
Ég bið Stefán Karlsson um að koma hingað og veita viðtöku smá viðurkenningu fyrir
afburðanámsárangur.
Að þessu sinni gengu 247 nemendur til prófs í 4. bekk og nú hafa 199 þeirra lokið
verslunarprófi og munu útskrifast hér, en 48 hafa ekki lokið prófum með fullnægjandi hætti.
Af þeim eiga 20 nemendur þó rétt á að þreyta endurtektarpróf.
Úrslit prófa eru áþekk því sem vænta mátti og verið hefur á liðnum árum og er því ekki
að vænta mikilla breytinga á samsetningu bekkja og nemendafjölda næsta vetrar. Þó gerum
við ráð fyrir að fremur muni fjölga í 5ta bekk næsta vetur en fækka.
Kæru nemendur!
Nú líður að því að þið fáið prófskírteini ykkar afhent og er þá við hæfi að líta fram á
veg og skyggnast um ef þar skyldi mega sjá vegvísa sem auðveldi okkur að rata um óvissa og
óljósa framtíð.
Þið sem nú verðið útskrifuð hafið öll staðist próf og þar með öðlast hæfi og rétt til
almennra starfa í viðskiptalífinu. Þau ykkar sem kjósa að hætta námi og hasla sér völl í
atvinnulífinu munu uppgötva að velgengni í starfi byggist fyrst og fremst á góðum árangri á
vinnustað. Góður árangur getur af sér ný tækifæri og er afrakstur náms og iðni rétt eins og
hér í skólanum. Verið því vandvirk og vinnusöm og umfram allt stundvís, þá mun ykkur vel
farnast.
Þau ykkar sem hyggið á frekara nám eigið um ýmsa kosti að velja, en misjafna þó, eftir
einkunn og tegund prófs. Þið sem hafið áhuga á að hverfa til náms í öðrum skóla ættuð að
76