Skólaskýrsla 1995 - Verzlunarskóli Íslands

Rekstrarhagfræði: Kenndar voru 3 stundir í viku. Kennsluefni: Verkefnahefti í
fyrirtækjarekstri með æfingum eftir Valdimar Hergeirsson.
Markmiðið var að byggja upp skilning á fjárhagslegum grundvallarhugtökum í rekstri
fyrirtækja hjá nemendum. Kynnt var notkun algengustu hugtakanna í kostnaðarfræði. Farið
var yfir æfingaverkefni sem fjalla um rekstur verslunarfyrirtækja og iðnfyrirtækja.
IV. bekkur:
Þjóðhagfræði: Kenndar voru 3 stundir í viku. Kennsluefni: Þjóðhagfræði, 1. áfangi eftir
Ingu Jónu Jónsdóttur.
Markmiðið var að gera nemendur færa um að skilja og nota helstu hugtök þjóðhagfræðinnar.
Einnig að gera þá færa um að hafa yfirsýn yfir hringrásina í efnahagslífinu og helstu þætti
efnahagsstarfseminnar og skilja orsakatengslin á milli þeirra. Helstu efnisflokkar sem farið
var yfir voru: hagfræðin sem fræðigrein - grundvallarhugtök. Hringrásin í efnahagslífinu og
útreikningur á helstu þjóðhagsstærðum svo sem þjóðarframleiðslu og þjóðartekjum.
Jafnvægi og ójafnvægi í þjóðarbúskapnum, fjármál hins opinbera, verðbólguhugtakið,
vísitölur, hagvöxtur og hagsveifluhugtakið. Hlutverk seðlabanka og helstu atriði um stjórn
peningamála, utanríkisviðskipti o.fl.
V. bekkur hagfræði- og stærðfræðibrautir:
Rekstrarhagfræði: Kenndar voru 5 stundir í viku (4 stundir á stærðfræðibraut).
Kennsluefni: Rekstrarhagfræði og kostnaðarbókhald eftir Ársæl Guðmundsson ásamt
Verkefnahefti með viðbótarefni eftir Valdimar Hergeirsson. Að auki voru lesnir tveir kaflar í
bókinni Verðbréf og áhætta sem VÍB gefur út.
Markmiðið var að gera nemendur færa um að skilja og nota helstu hugtök rekstrarhagfræðinnar
og nokkra efnisflokka fjármálafræða. Nemendum var ætlað að geta nýtt tæki
hagfræðinnar til að greina einföld rekstrarhagfræðileg vandamál. Helstu efnisflokkarnir sem
kenndir voru: Markmið fyrirtækja, réttarform og flokkun fyrirtækja. Verðbréf og hlutabréf.
Hegðun fyrirtækja og framleiðsla. Kostnaðarhugtök, notkunar- og fórnarsjónarmið. Fjárþörf
og fjármögnun. Fjárfesting og mat á fjárfestingakostum. Tekju- og útgjaldastreymi,
ávöxtunarkrafa og líftími. Hegðun neytenda, nytsemi og eftirspurn. Markaður, markaðsform
og verðmyndun.
V. bekkur verslunarmenntabraut:
Rekstrarhagfræði: Kenndar voru 5 stundir í viku. Kennsluefni: Rekstrarhagfræði eftir
Helga Gunnarsson ásamt verkefnahefti og enn fremur viðbótarefni.
Helstu námsþættir: Mismunandi eignarform fyrirtækja, ytra umhverfi og hagsmunaaðilar,
markmið og stjórnskipulag, stefnumótun, starfsmannahald, framleiðsla og framleiðni,
kostnaðarskipting, tekjur og afkoma, arðsemi, framlegðarútreikningar, núvirðisútreikningar,
mismunandi markaðsform.
VI. bekkur hagfræði- og stærðfræðibrautir:
Þjóðhagfræði: Kenndar voru 4 stundir í viku og auk þess var vikulega einn sameiginlegur
fyrirlestrartími á sal þar sem fólk var fengið úr atvinnulífinu eða opinberri stjórnsýslu til þess
að flytja fyrirlestra um hagfræðileg málefni.
Lesnir voru valdir kaflar úr kennslubókinni Economics eftir Wonnacott og Wonnacott.
Jafnframt var farið yfir verkefni í þjóðhagfræði og önnur dæmi tengd lesefninu sem tekin
voru saman af Valdimar Hergeirssyni.
Markmiðið var að nemendur færu dýpra í helstu hugtök og undirgreinar þjóðhagfræðinnar og
bættu við nýjum hugtökum og kenningum. Lögð var áhersla á að nota dæmi úr
29