Skólaskýrsla 1995 - Verzlunarskóli Íslands

Kveðskaparöld, og úr Straumum og stefnum, kaflarnir Raunsæi og Nýrómantík, ásamt
völdum textum úr Rótum. Lesin voru nokkur ljóð frá síðari tímum í samantekt
kennara. Nemendur lásu auk þess skáldsöguna Svaninn efrir Guðberg Bergsson.
3. Ein viðamikil heimildaritgerð var skrifuð um veturinn auk smærri ritgerða.
Latína
V. bekkur val:
Aðaláhersla var lögð á undirstöðuatriði latneskrar málfræði s.s. sagnbeygingu, nafnorð,
lýsingarorð o.fl. Lesnir léttir kaflar í samfelldu máli. Fjallað rækilega um tengsl latínu við
nýju málin. Kenndar voru 3 stundir í viku. Vorpróf var skriflegt.
Kennslubækur: Árni Hermannsson: Kennslubók í latínu I ásamt orðasafni.
VI. bekkur málabraut:
Lokið yfirferð í málfræði. Áhersla lögð á orðaforða, orðmyndun, hugtakaheiti og tengsl
latínu við nýju málin. Heimastílar og skriflegar æfingar, stíll eða ólesin þýðing vikulega.
Kenndar voru 5 stundir í viku. Stúdentspróf var skriflegt og munnlegt.
Kennslubækur: Sömu bækur og getið var um með námsefni V. bekkjar. Árni
Hermannsson: Kennslubók í latínu II. Árni Hermannsson: Latneskir leskaflar. Árni
Hermannsson: Latneskir málshættir og grískir orðstofnar.
Leikfimi
Íþróttatímar voru tveir á viku í öllum bekkjardeildum. Helstu námsþættir voru almenn
leikfimi með og án áhalda, útihlaup, teygju-, þrek- og styrktaræfingar, blak, handknattleikur,
körfuknattleikur, og utan- og innanhússknattspyrna. Einnig fór fram kynning á skyndihjálp.
Í 5. bekk sóttu þeir nemendur sundnámskeið sem áttu ólokið 9. stigi.
Líffræði
VI. bekkur:
Markmið: Að kynna undirstöðuatriði líffræðinnar sem þátt í heimsmynd nútímafólks og
gera nemendur hæfari til þess að átta sig á og leggja mat á ýmis mál sem til umfjöllunar eru í
samfélaginu. Jafnframt er fjallað um almenn einkenni lífs frá smæstu einingum til hinna
flóknustu og sérstök áhersla er lögð á einkenni mannsins (lífeðlisfræði, erfðir, þróun) og
tengsl hans við umhverfi sitt.
Námsefni: Almenn einkenni, nafngiftir, flokkun og fjölbreytileiki lífvera: Veirur, bakteríur,
frumverur, skordýr, hryggdýr og fræplöntur. Lífverur og umhverfi þeirra: Fæðutengsl,
stofnar, áhrif manna á umhverfi sitt og ástand umhverfismála á Íslandi. Fruman, lífræn efni,
vefir, líffæri, líffærakerfi, næringarforði lífvera og orkuvinnsla. Mannslíkaminn: melting,
öndun, blóðrásarkerfi, húðin, lifur, nýru, taugakerfið, sjón, heyrn og beinagrindin. Æxlun:
kyn- og kynlaus æxlun, frumuskipting, æxlunarkerfi manna, egg, sáðfrumur, tíðahringur,
meðganga, getnaðarvarnir, kynsjúkdómar, kynæxlun blómplantna. Erfðir: litningar, gen,
meginlögmál erfðafræðinnar, erfðir manna. Kjarnsýrur og prótín, eftirmyndun DKS,
prótínmyndun, erfðatækni og siðferðileg vandamál tengd henni. Þróun: breytileiki,
stökkbreytingar, þróunarkenningin, vísbendingar um þróun, þróunarsagan, þróun mannsins.
31