Skólaskýrsla 1995 - Verzlunarskóli Íslands

Virðulega verslunarfólk!
Ég læt í ljós þá von að þið megið öll njóta góðs og gjöfuls sumars og vonast til að sjá
sem flest ykkar hér aftur á komandi hausti. En munið að þeir einir geta verið vissir um að
verða skráðir nemendur hér næsta vetur sem útfylla og skila umsókn sinni til skrifstofu
skólans fyrir 5. júní nk.
Þau ykkar sem vilja endurtaka próf til þess að ná 6,5 í aðaleinkunn þurfa að láta skrá
sig á skrifstofu skólans hið fyrsta. Endurtaka má greinar með samtals fjórar einkunnir, þ.e.
tvær greinar með tvöfaldri einkunn eða fjórar greinar með einfaldri einkunn.
Ykkar ágæta 4. bekkjarráð hefur beðið mig að geta þess að 4. bekkjarbókin er komin út.
Hún verður afhent við útganginn af marmaranum hér á eftir.
Ég óska ykkur og fjölskyldum ykkar hjartanlega til hamingju með þann áfanga sem þið
nú hafið náð. Samveru okkar hér í skólanum er lokið að sinni hvað sem síðar verður. Þið
getið verið stolt af glæsilegum námsárangri og hafið til þess unnið að bera höfuðið hátt þegar
þið gangið héðan út. Kennarar ykkar mega ekki síður vera ánægðir og stoltir.
Árangur nemenda og vegur skólans byggist fyrst og fremst á störfum kennaranna og
því er mér ljúft að færa þeim sérstakar þakkir fyrir störf sín í þágu nemenda og skóla.
Að svo mæltu þakka ég gestum komuna.
Verslunardeild Verzlunarskóla Íslands er slitið.
80