Skólaskýrsla 1995 - Verzlunarskóli Íslands

Skólasetning
Formaður skólanefndar, kennarar, nemendur og aðrir góðir gestir.
Ég býð ykkur öll hjartanlega velkomin til þessarar skólasetningar sem er sú 91. í
röðinnni frá stofnun skólans.
Verzlunarskóli Íslands hefur nú lokið fullum 90 starfsárum og við munum halda upp á
níræðisafmælið með því að gera okkur dagamun með ýmsum hætti og vona ég að bæði
kennarar og nemendur fái af því nokkra ánægju að stofna til slíks hátíðarhalds. Sérstaklega
verður um það mál fjallað síðar við betra tækifæri.
Ágætu 3. bekkingar.
Hér munuð þið lesa, læra og vinna næstu fjóra vetur. Látið aldrei hvarfla að ykkur
annað en að rísa undir kröfum skólans. Að gefast upp á ekki svo mikið sem að finnast í
orðabókum ykkar. En þið munið mörg þurfa að vinna meir en þið hafið áður kynnst. Öll
hafið þið næga námsgetu og ef fullur vilji fylgir með þá verður Verzlunarskóli Íslands ykkar
skóli næstu fjögur ár.
Þriðjubekkingar! Verið þið velkomnir.
Fjöldi nemenda Piltar Stúlkur Samtals
3.bekkur 156 120 276
4. bekkur 143 112 255
5. bekkur 96 80 176
6. bekkur 90 107 197
Samtals 485 419 904
54% 46% 100%
Verzlunarskóli Íslands hefur jafnan lagt mikla áherslu á að búa nemendum sínum sem
besta námsaðstöðu. Svo miklu fé hefur verið til þess varið að skólabyggingin hefur orðið að
sitja nokkuð á hakanum.
Þar hefur þó þeim áfanga verið náð í sumar að nú hefur uppsetningu loftræsikerfa verið
lokið að fullu. Aðeins á eftir að tengja stjórnkerfið og verður það gert nú á næstu vikum eins
fljótt og unnt er. Þá vona ég að vinnuaðstaða batni í þeim stofum þar sem loftskiptum hefur
stundum verið áfátt.
Skólinn á 10 ára starfsafmæli í þessu húsi í janúar á næsta ári og væri gaman ef hægt
væri að halda upp á það með því að ljúka byggingarframkvæmdum, en ennþá á eftir að ganga
frá fölskum loftum sem vera eiga undir loftræsikerfunum.
Þá sakar ekki að geta þess að við höfum nú plantað skógi á lóð skólans, ef nefna má
jafn fá og strjál tré því nafni, en þau munu skreyta lóðina sem skógur væri, fái þau að vaxa.
Þrátt fyrir þessar byggingarframkvæmdir hefur uppbygging námsaðstöðu ekki gleymst.
Keyptar hafa verið 70 pentium tölvur og koma þær í stað tölva af gerðinni 386 sem orðnar
voru ófærar um að keyra sum þeirra forrita sem við viljum kenna. Jafnframt hefur netkerfi
skólans verið styrkt og bætt og ef þessi búnaður virkar eins og hann á að gera ásamt nýja
Windows 95 kerfinu sem komið er í tölvurnar, þá er enginn vafi á að Verzlunarskóli Íslands
er best tölvuvæddi framhaldsskóli landsins og e.t.v. í Evrópu allri.
Nú verða 386 tölvur eingöngu í þeirri stofu þar sem vélritun er kennd. Þar verður
gamla Windows stýrikerfið, og geta nemendur sem óvanir eru Windows 95 notað þá stofu til
ritvinnslu og verkefnagerðar ef þeir vilja.
Gera má ráð fyrir að þessi mikli tölvubúnaður verði á komandi árum í vaxandi mæli
notaður til stuðnings við kennslu í öllum námsgreinum. Ekki er verið að kosta þessa miklu
20