Gipuzkoako Lurralde Historikoaren Kontu Orokorra Cuenta General ...

2006ko ekitaldiko Aurrekontu Orokorren Foru Arauaren 16.4 artikuluan xedatuta dago
Lurralde Historikoaren interesak hala eskatuko balu, salbuespenez eta Diputatuen
Kontseiluaren Erabakiz, bestelako aurrekontu kredituak erantsi ahalko liratekeela, inolako
mugarik gabe. 2006ko ekitaldian ez da erabili horrelako lege aurreikuspenik.
Gure ustez, aurrekontuen urteko arauak ez luke nabarmen aldatu beharko
oinarrizko aurrekontu araua, eta mugarik gabe baimenak emango lizkioke
Diputatuen Kontseiluari, kredituak erants ditzan.
Kreditu gaitzeak eta transferentziak
− Diruzaintzako geldikinen interesengatiko sarreren azken ekitaldietako hasierako
aurrekontua 10 mila euro izan da, gutxi gorabehera. Hala ere, azken gastuen zenbatekoa
askoz handiagoa izan ohi da. Hain zuzen ere, 2006ko sarrerak 7.000 mila euro baino
gehiago izan dira. Sarreren aurrekontua modu egokian egiteak aurrekontuko aldaketak
gauzatzea saihestuko luke, eta aldaketa horiek onartzen dituzten organoak ez dira
aurrekontua onartzen duten organo berak.
− Finantza gastuei neurriz gaineko aurrekontua egin zaie azken ekitaldietan, eta horrek
ahalbidetu du kreditu transferentziak egitea. 2006an, 5.497 mila eurorenak izan dira
kreditu transferentzia horiek.
Diruzaintzako geldikina eta erabili gabeko zorpetzea
− Gipuzkoako Foru Aldundiak aurrekontuz kontabilizatu ditu azken ekitaldi hauetan
zorpetzea baimenduarengatiko eta erabili gabekoarengatiko sarrerak, alegia,
225.450 mila euro (20.500 mila euro erregistratu dira 2006ko ekitaldian). Kasuan kasuko
ekitaldietako aurrekontu emaitzak gehitu dituzte eta, beraz, gaur egun, Diruzaintzako
geldikinaren zati dira. Sarrera kontabilizatu den aldi berean kobratzea erregistratu da;
hortaz, aurrekontuari dagokionez, ez da saldorik geratu kobratzeke. Ondare
kontabilitatean ordena kontuetan baino ez dira erregistratu. Horren ondorioz,
aurrekontuko emaitzen batura gisa kalkulatu den diruzaintzako geldikinean erabili
gabeko zorpetzea sartu da, eta diruzaintzako saldoa gehi zordunak ken hartzekodunak
bezala kalkulatutako diruzaintzako geldikinarekin erkatuz aldea erakusten du.
Erabili gabeko zorpetzea ezin da aurrekontuko sarrera gisa onartu, eta
ezin du diruzaintzako geldikinaren zati izan 2006ko ekitaldiaren itxieran.
Hala ere, 2006ko ekitaldiari dagokion likidazioa onartzean, Gipuzkoako
Foru Aldundiak, diruzaintzako geldikinaren berri ematean, «Erabili
gabeko kreditu eragiketekin Diruzaintzako Geldikin Bateratu» deituriko
kontzeptua sartu du. Horrek 2006ko abenduaren 31n erabilgarri zegoen
diruzaintzako geldikina (113.671 mila euro) barne hartzen du, bai eta
erabili gabeko kreditu lerroetan formalizatutako aurrekontu finantzaketa
ere (225.450 mila euro).
15