Gipuzkoako Lurralde Historikoaren Kontu Orokorra Cuenta General ...

dela-eta, ETORLUR-ek Foru Aldundiari aurretiaz honek eskuratu duen lurzoruaren
azalera-jabetza transmititzeko duen aukera, sustapenak garatzeko azalera eskubidea
mantenduz.
• Azkenik, ez lirateke ahaztu behar ondorio fiskalak eta jarduera bakoitzaren gorabehera
bereziak, lurzoruaren eskurapena Foru Aldundiak edo ETORLUR-ek egitea komeni den
zehaztu dezaketenak.
HKEE-k aztertu dituen 2006an garatutako jarduerak irizpide horien arabera gauzatu dira.
Foru Aldundiak burututako Azkoitiko “Intsausti” esparruko lurzoruaren erosketari
dagokionez, epe ertain/luzera garatuko den lurzorua izango da, oraindik ezaugarri guztiak
zehaztuta ez dituen esku-hartze batean, non, horrenbestez, ez dagoen erabat biribilduta
Foru Aldundiaren edota ETORLUR-en esku hartzeko modua.
Lurzoruaren eskurapen horretan, ETORLUR-ek aurretik erosteko aukera bat gauzatzeak
eta ondoren Foru Aldundiaren alde lagatzeak izaera instrumentala besterik ez zuen izan,
erosketa epe jakin batean gauzatzeko beharraren ondorioz.
Hernanin (Florida eta Orbegozo esparruetan) ETORLUR-ek egindako lurzoruaren
erosketari dagokionez, lehen azaldu dena, zehaztutakoa eta epe laburrean hastekoa zen
jarduera bat zen, lurzorua sozietatearen Administrazio Kontseiluak hura onartu ondoren
erosi zelarik.
Jarduera horren konplexutasunarengatik, non ETORLUR-ek sustatzaile nagusi gisa
jarduten duen, komeni zen, halaber, lurzoruen eskurapena zuzenean sozietateak burutzea.
Horrek enpresak sinatutako kontratuaren gauzatzearen hainbat alderditan bizkortasun
handiagoa ahalbidetuko luke (Orbegozoko industria lurzatiaren entrega, prezioaren
ordainketa partzialean, hainbat ekitalditan burutzeko prezioaren eskudiruzko ordainketak),
baita Florida etxebizitza garapenean aterako diren lurzatien geroko kudeaketan ere.
Horregatik guztiarengatik, ulertzen dugu HKEE-k ETORLUR-ek burututako lurzoruaren
eskurapenari eta bere titulartasunari dagokienez eskatutako irizpideak existitzen direla eta
zuzenak direla, eta 2006an garatutako jarduerak horien araberakoak izan direla; halaber,
adierazi behar da Azkoitian eta Hernanin modu ezberdinean jardun dela, proiektu
bakoitzaren ezaugarrien arabera.
Beste atal batean, Epaitegiak ondoko alderdiak azpimarratzen ditu:
2006ko ekitaldian zehar langileen ordainsarien gastuaren batezbesteko gehikuntza %15 hazi
da, burutu den postuen balorazio baten ondorioz, baina ez dira dokumentu bidez jaso hori
burutzeko erabilitako irizpideak. Ekitaldian zehar langileen kopurua 3koa izan da, abenduan
urtebeterako beste bat kontratatu delarik
90