Gipuzkoako Lurralde Historikoaren Kontu Orokorra Cuenta General ...

[…]
c) ondasun eta zerbitzuetan izandako gastuak, baldin eta haien kontratazioa ezin bada
estipulatu edo ez bada ekonomikoa urtebeteko epean. Herri Administrazioen Kontratuen
Legearen testu bateratuari buruzko ekainaren 16ko 2/2000 Errege Dekretu Legegileak
jasotako modalitateetan kontratatzen direnean.”
Ulertzen dugu Diputatuen Kontseiluak onartu dituen konpromisoko kredituen xede diren
gastuak aipatu manuan sar daitezkeela. Lehendabizi, kontratazioa burutzeko erabilitako
kontratu-modalitatea kontratu pribatua izan delako, Kontratuen Legeko 5. artikuluan eta
hurrengoetan ezarritakoaren arabera. Eta bigarren, duten izaerarengatik jarraitutasun bat,
denboran iraupen bat eskatzen duten zerbitzuak direlako. Kontratu hauek urtebeteko edo
gutxiagoko iraupenarekin planteatzeak bideraezin bihurtuko lituzke antiekonomikoak izango
liratekeelako. Izan ere, proiektu horietan proposatutako emaitzek ekitaldi ekonomiko bat
baino gehiago behar dute ikusgai bihurtzeko, hau da, kontratuaren xedea bete dela
ulertzeko 1 .
2006ko ekitaldian, 143 mila euroko kontratu osagarri bat esleitu zitzaion, publizitaterik gabe
negoziatutako prozedura baten bitartez, aurreko ekitaldian 119 mila euroko laguntza
teknikoaren kontratu bat, kontratuaren espezifikotasun teknikoarengatik, esleitu zitzaion
kontratista berari. Espediente teknikoa azterturik, ondorioztatzen da behar berriak direla,
eta beraz, prozedura ireki bat egin behar zela (ikus E.15.1. Eranskina).
Alegazioa
Kontratu osagarriaren helburua desjabetzapenen kudeaketa sistema zabaltzea zen,
informazio grafikoaren kudeaketa “ezartzen” ari zen desjabetzapen sisteman erabat sartuta
egon zedin.
Zentzu horretan, proiektuaren informatika arduradunak adierazi zuen aplikazio
informatiko horren zabaltzea “ad hoc” garatutako aplikazio baten gainean egindako “aldaketa
edo zabaltze” bat zela eta oso zaila izango zela eta ekonomikoki ez oso bideragarria, horiek,
hasierako garapena egin zuen enpresa ez zen beste batek egitea.
1 Erabilitako kontratu moldeak ez du kredituaren izaera eragiten. Denboran irautea auzitan geratzen da, izan
ere, 2007ko urriaren 9ko Diputatuen Kontseiluak aldatu egin baitu kopuru handieneko kontratua (3.000 euro
2007tik 2010era bitarteko ekitaldiei dagokienez), 2006ko ekitaldian izenpetutako kontratuan zehaztutako
baldintzak bete ezin zirelako. Azkenik esan behar dugu 2005eko ekitaldian hurrengo ekitaldietan eragina
izango zuen babesletza kontratu handiena izenpetu zela, 4.000 mila euroko zenbatekoa egin zuena,
konpromiso krediturik batere onetsi gabe eta etorkizuneko urtekoak kreditua izatera meneratuaz.
47