Gipuzkoako Lurralde Historikoaren Kontu Orokorra Cuenta General ...

Foru Aldundiaren aldetik kontratistari kalte eta eragozpenak eskatzeko aukerari
dagokionez, ulertzen zen ez zela egokia, izan ere, Herri Administrazioen Kontratuen
Legearen Testu Bateratuko 113.4. artikuluaren arabera, kalte eta eragozpenen
erreklamazioa soil-soilik kontratistaren errua den urraketa bat ematen denean eska daiteke.
Gainera, eta Herri Administrazioen Kontratuen Legearen Erregelamenduko 113. artikuluan
ezarritakoaren arabera, ez zen kontratistak ordaindu beharreko kalte edo eragozpenik eman.
Oria erdialdeko tarteko hodiaren eta adar osagarrien proiektuaren obren kontratuan, 2004an
esleitu zena 7.142 mila eurotan, 2006an kontratuaren hasierako zenbatekoaren %4 baten
proiektu aldatu bat onartzen da, azken ziurtapenaren aldi berean eta obra jaso eta
hilabetera. HAKLTB-ko 146.4. artikuluak obrak behin-behinekoz jarraitzeko aukera
aurreikusten du, interes publikoarentzat eragozpen larririk ez eragiteko, beti ere %20aren
muga gainditzen ez bada. Hala ere, kontratu horretan behin-behineko gauzatzea behin
betiko finkatu da aldaketa onartu baino lehen.
Alegazioa
Oria erdialdeko tarteko hodiaren eta adar osagarrien proiektuaren obrak, I. Tartekoak: Irura
– Zizurkil, gauzatzeko kontratuari dagokionez, Diputatuen Kontseiluaren 2006ko
abenduaren 26ko Erabakiak, 1. zenbakiko Proiektu Aldatua onartzen duenak, eta dagozkion
txostenek obrak proiektu aldatua idazten amaitu baino lehen amaitutzat jotzearen arrazoiak
zehazten dituzte.
Hain zuzen, kontratazio organoak, Diputatuen Kontseiluak, 2005eko urriaren 18ko
erabakiaren bitartez kontratua aldatzeko espedientea ireki zuen, EP-22 eta EP-24 erregistroputzuen
arteko tartea kentzeaz eta EP-24 eta EP-27 erregistro-putzuen arteko eraikuntza
sistema aldatzeaz gain, beharrezkoa zen Billabonako eskuinaldeko Kale Berria kolektorearen
azkeneko tartean trazatua aldatzea, baita proiektuko goiko (Irura) uren gunean tarteko hodi
nagusiaren luzera gehitzea ere, bi kasuetan Eusko Jaurlaritzak proiektatutako jardueren
ondorioz.
Hala ere, Eusko Jaurlaritzak jarduera horiek zehaztean atzerapena zeramanez, hasiera
batean aurreikusitakoa baino gehiago berandutzen ari zen proiektu aldatuaren idazketa,
beraz, Diputatuen Kontseiluak, 2006ko otsailaren 14ko erabakiaren bidez EP-24tik EP-27ra
doan tartean obrek behin-behinekoz jarraitzeko baimena eman zuen, obra zuzendaritzaren
proposamen teknikoaren arabera, gertuko beste obra batean lanak amaitu zituzten makina
oso espezifikoak erabili ahal izateko.
EP-24 eta EP-27 arteko aldaketa hori eta hasierako proiektuan jasotako gainerako
jarduerak gauzaturik, soilik gauzatzeke zeuden Eusko Jaurlaritzaren proiektuekin
lotutakoak, eta adierazitako atzerapenek jarraitzen zutenez, ulertu zen teknikoki eta
ekonomikoki komenigarriagoa zela Eusko Jaurlaritzak kolektorearen tarte horiek beren
obrak gauzatzerakoan kokatzea. Ondorioz, obra zuzendaritzak ulertu zuen, Herri
Administrazioen Kontratuen Legearen Testu Bateratuko 147. artikuluaren arabera, obrak
71